E rotonde di Cumana cu a bira Watty Vos Blvd ta conoci cu e construccion di esaki a bira un dolor di cabes ora awa basha y ta laga e parti pazuid di e rotonde na un nivel halto di awa y pone cu autonan no por pasa. Diahuebs merdia a cera e caminda aki pa e truck chica e awa te ora e nivel baha.
Constant cu awa basha e trucknan di e compania cu tin e proyecto encarga tin cu chica e awa. E trabou di e caminda tin basta tempo caba no ta mirando un adelanto y constant tin problema cu awa y esaki ta un di e motibonan cu nos por a mira cu e siman aki Gobierno di Aruba ta disgusta con e compania cu a haya e proyecto algun aña pasa ta trahando riba esaki y sin mira e resultado manera mester ta.