Pa e presidente di Camara di Comercio di Aruba, sr. Ernst Mohammed, e debate a bay bon. Pero lamentabel tabata cu parti di e publico a daña e debate.
Mohammed a splica cu nan a delibera den e reunion di e board pa loke ta e debate cu nan a organisa. Manera ya menciona, e debate a bay hopi exitoso. E oportunidad cu a duna e plataforma na pueblo di Aruba con pa scoge nan voto dia 22 di September, a logra esey cu e debate.
Loke si nan ta lamenta, ta e comportacion di un parti di e publico cu tabata tey presente y cu nan a baha e nivel di e debate un tiki. E grupo aki a falta respet, no solamente pa e resto di publico presente, pero tambe pa e lider y candidatonan cu a participa y e televidentenan na cas.
E meta ta pa informa pueblo y duna un partido politico oportunidad pa presenta nan vision y riba diferente topico y e preguntanan cu nan a haci.
KvK ta spera cu e iniciativa cu nan a tuma pa encurasha otro instancia tambe pa organisa mas debate den futuro. Manera cu a splica varios biaha, hunto cu prensa, lo por ta aki 4 aña, lo organisa un debate hunto cu prensa den e cuadro aki. A haya un experiencia nobo y lo sigui organisa y mehora nan debatenan den futuro cu esaki. Camara di Comercio ta gradici tur lider y candidatonan y manda un palabra di danki na prensa, na Telearuba, na Elite, na Marriott Hotel y na tur e empleadonan di Camara di Comercio cu a traha asina duro y cierto di nan, Elite y Camara di Comercio, cu a traha around the clock, cu a haya un escena profesional, pa haya un debate profesional y pa haya informacion pa loke ta e debate y e plataforma politico cu ta existi na Aruba.
A puntra sr. Mohammed si lo sigui cu e debate di e forma aki of lo cambia e sistema manera cu el a bay e biaha aki.
El a contesta cu na Merca tambe tin un publico y tambe e publico aki lo bay wordo revisa. Camara di Comercio lo bay evalua tur cos atrobe. Loke nan ta haciendo aki ta wak con el a bay overall. Manera cu el a wordo haci den e prome debate, e tabata exitoso. Pueblo kier a wak otro situacion. A logra haci esey den e di dos debate. Lamentablemente atrobe tabata tin parti di e publico cu no por a tene nan mes na regla pero esey ta algo otro. Lo bay evalua con ta bay haci’e y tambe e partnernan cu ta bay organisa otro biaha cun’e, lo bay scucha di nan y wak con ta sigui haci e debate aki tambe den futuro.
Mohammed a splica cu e prijs por ta a hunga un rol ya wak cu e prome biaha cua haci’e prijs tabata hopi mas halto y no tabata tin asina hopi problema. Kiermen esey por ta tambe parti di evaluacion cu lo haci pa e proximo debate. Pero cu nan lo sigui haci e debate, esey ta garantisa.