CARACAS, Venezuela – E presidente di e Comision di Postulacionnan Electoral, e diputado opositor, Juan Guaido, a sigura diasabra cu diamars awo, e Asamblea Nacional lo designa e dos rectornan di e Conseho Nacional Electoral.
“E Asamblea Nacional ta esunc u tin y lo bay eligi e rectornan nobo (di CNE), esun cu tin y lo bay legisla na fabor di e pueblo di Venezuela,” Guaido a bisa desde un acto riba plaza Brion de Chacaito oost di Caracas.
E diputado a haci e afirmacion aki despues cu diabierna e bancada Chavista di Parlamento a solicita Tribunal Supremo di Husticia (TSJ) pa asumi e facultadnan di e Camara pa designa na e dos autoridadnan electoral di e pais, cual periodo lo bay vence diadomingo ora di considera cu e Legislativo mantene e oposicion.
Dia 11 di Augustus ultimo, AN a cuminsa cu un proceso pa designa na e dos autoridadnan aki, sin embargo Chavismo, cu pa prome biaha den 15 aña no ta controla e decisionnan di e pleno, ta considera cu e proceso aki ta nulo pasobra Parlamento ta mantene den oposicion tras di resisti na a aproba e destitucion di dos diputado cu a wordo huramenta contra di un sentencia di TSJ.
Aunke cu e tres diputadonan opositor, cual proclamacion a wordo revoca, a slicita algun dia pasa boluntariamente su desincorporacion pa pone fin na e oposicion di Parlamento, TSJ a pidi na e Legislativo pa haci publico su aprobacion y a notifica e fin di e oposicion.
Riba esaki, Guaido a rechasa e accion di Chavismo y a indica cu Gobierno ta gaña ora ta bisa cu Parlamento no a desincorpora e diputadonan di Amazonas.
Fuente: NTN24