Ora aña a habri gobierno a prepara pa e reunion di IPKO, cu ta e delegacion for di Hulanda,di Corsou y St. Maarten cu a bin Aruba pa e reunionnan aki. Presidente di Parlamento, Sr. Ady Thijsen ta amplia.
Sr. Thijsen a splica cu nan lo kier traha ariba un sistema pa haci e reunionan fructifero, unda cu lo tuma un prome siman cu centraal commissie. Diamars dia 6 di Februari, lo bai tin e comissie di ombudsman cu lo bay duna un presentación. Esaki ta hopi importante, pa bay pasa e ley, cu lo bay un medida pa e proteccion di e comunidad. E di dos reunion tambe ta hopi importante pa lo cu ta trata e desaroyonan tocante KPA y KIA .
Mas aleu, dia 7 di Februari ta bai tin reunion cu e minister di Infraestructura, unda lo bay tin un presentacion di cual lo ta e proyectonan di e minister di infrastructura. Tambe lo tin un reunion di e comissie di Turismo. Tambe dia 8 lo tin e reunion di comissie Sociale Zaken, Gezin, Ouderenzorg Volksgezondheid. E mesun dia lo tin e comissie di Financien, Economischa zaken en Overheidsorganisaties. Aki ta caminda e parlamentarionan lo conoce a fondo con lo bay maneha e punto aki. Den e comissie di Financien, e dia aki Camara di Comercio, tambe lo ta presente, cual lo ta un di e institutonan mas importante na Aruba pa lo cu ta trata comercio. Sr Juan Ady Thijsen presidente di parlamento a señala.
Mas aleu dia 9 den e comision di Social Zaken, lo dedica atencion riba “bulling” unda cu Sra. Daniela Pop lo bay presenta e proyecto yama “nos muchanan, nos prioridad ” . E ta un tema cu lo mester pone hopi atencion riba dje. Tambe 14 di Februari lo ta bay trece dilanti e tema di e crisis na Venezuela hunto cu e preocupacion cu lo ta presenta awor aki pa Citgo, esaki lo keda na cargo di e parlamentarionan Marisol Lopez Tromp, Sr. Richard, Arends y tambe Sr. Rocco Tjong.
Pa conclui e miembro di parlamento Juan Ady Thijsen a bisa cu tin hopi trabou den aña aki y cu nan lo bay atende reunionan pafo di Aruba, reunionna cu e otro islanan ruman den Reino y tambe parlatino, cu na Sr. Thijsen su opinion, lo haci bon na e comunidad, e ta un trabou cu lo tin hopi responsabilidad riba dje.