Despues cu a caba di trata e presupuesto di 2018, ainda mester keda cla un otor parti di presupuesto cual ta esun pa Parlamento y di Algemene Kamer como tambe di Raad van Advies. Esakinan lo bay mas lihe si. Pero tambe tin DOW pa handle y esun di Wegenfonds. Parlamento tin un luna hopi druk su dilanti. Sr. mr. Ady Thijsen, presidente di Parlamento ta splica.
Proximamente un delegacion di Parlamento lo bay pa e IPKO overleg, entre e Parlamentonan den Reino. Nan lo ta saliendo dia 26 di mei pa 2 di Juni. Den e temporada aki mester zorg pa pasa e 5 presupuestonan aki. Segun mr. Thijsen, e 5 presupuestonan aki ta chikito en comparacion cu esun di Land Aruba. pero si tin un concepto di un Landverordering cu lo mester trata mas lihe posibel cual ta esun di e Crisisheffing. A wordo pasa den begroting, hunto cu e crisisheffing dus lo mester bin cu e concepto Landsverordering.
Pero lo mester tene cuenta cu Parlamento lo ta na Hulanda for di 26 di mei pa 2 di Juni, pero tambe nan lo keda Hulanda pa 1 siman, esakinan lo ta e lidernan di fraccion hunto cu e presidente di Staten y e griffier. Esaki ta pa loke ta e independisacion di Parlamento y Hoge Colleges van State pa wak con esaki ta hinca na Hulanda.
Mas aleu, mr. Thijsen, presidente di Staten, nan lo papia cu expertonan ariba e tereno aki, manera Algemene Rekenkamer mes, Raad van State, Tweede Kamer. Tambe lo purba di hiba un conversacion cu mr. Hirsch Ballin pa papia over di e geschillenregeling. Lo purba pa reuni cu minister di Relacionnan Exterior y di Reino, Stef Blok, pa haya informacion di dje tambe.
Parlamento tin un luna hopi druk su dilanti, segun su presidente, Sr. mr. Ady Thijsen.