Presidente di Parlamento, Mervin Wyatt Ras, a splica cu nan ta bezig ta wak diferente otro asunto di comisionnan cu mester wordo yama. Por bisa e asunto tambe di e minister Paul Croes, ta pendiente di esaki. Tin 30 dia pa yama e reunion. Na momento cu ta asina leu lo haci esaki. Esaki no ta un cuestion cu tin cu sconde p’e. Naturalmente tin un investigacion ta tumando luga. E minister no a wordo deteni ni sentencia, pero si tin e peticion andando. Pesey tin 30 dia pa yama e reunion, cual lo cumpli cu e reglamento di ordo, cual a bin ta haci desde cu Wyatt-Ras ta presidente di Parlamento.
El a sigui splica cu a urgi minister na Gobierno, pa asina tene cuenta cu Parlamento. Tin por ehempel leynan cu kier trata, cual ta ley di creche. E ley tambe di functiehuis cu tin diferente pregunta y preocupacion riba dje cu a keda eynan, ta wantando. Pero asina cu keda cla, lo pone nan tambe riba schedule di Parlamento y a haya tambe e ley di ortografia di Parlamento, un ley di hopi aña cu toch awo a haya cierto cambionan, a wordo traha riba dje y tin esey tambe pendiente e ora pa trata. Porcierto diabierna a trata tambe un carta cu Gobierno a pidi su sentimento pa loke ta trata studielening pa studiantenan, unda cu Gobierno a pidi Parlamento aña pasa, pa asina duna sentimento pa asina nan por baha e cantidad di interes cu e studiantenan ta paga, cual tabata 3%. Awor aki a haya un carta caminda cu ta bah’e un porciento mas, cual ta bira 2 porciento. Tambe locual cu nan tin cu paga bek di 35 pa 30 porciento. Ta un tegemoetkoming na e studiante, pero si cu e intencion cu Gobierno por recobra cierto placanan bek, cu ta haci’e mas facil pa studiantenan paga. Den pasado, door cu mester a reken e rente, ta tarda pa manda e declaracionnan pa e studiantenan, e ta tarda tambe pa paga. Despues e cuentanan ta verjaar y asina Gobierno nunca por cobra nan.