Den e dianan aki presidente di parlamento ta trahando un plan pa un curso wordo duna na e parlamento nobo riba e tema di leynan pa cual aki Sr. Guilfred Besaril ta splica.
Tin diferente reunionnan cu ta tumando luga, pa asina aki por hinca e proceso di e parlamentario nobo cu lo mester wordo huramenta, ya cu parlamento ta na prome luga. Nan ta bezig cu e proceso na un manera corecto., reunionnan ta tumando luga. Na mes momento Sr. Besaril tabata tin un reunion cu Dienst Wetgeving en Juridische Zaken, pa asina tin un parlamento nobo y definitivo pa e proximo añanan, pa nan organisa un masterclass di dos pa tres dia, pa asina tur esunnan cu ta bin nobo pa parlamentario, e baggage tecnico/huridico, con nan tin cu analisa ley, kico ta e elementonan ora kier haci cambionan via un amienda, con pa lesa e beleid technisch, con e reglamento di ordo ta hinca den otro. Dus un preparacion, beleid huridico pa asina nan haci nan trabao como parlamentario den forma optimal. E ta algo historico cu parlamento ta bay conta cu no menos cu 14 parlamentario nobo, den e ambito politico.
Ta haciendo e preparacionnan pa e organisacion funciona na e nivel cu e pueblo di Aruba ta expect pa parlamento funciona y asina tin diferente reunionnan tumando luga, pa e organisacion no para pa motibo cu ainda no tin gobierno. Gobierno ta uno, parlamento ta otro. Trabao ta sigui.
Den e dianan aki por spera cualkier momento cu parlamento lo yama un reunion pa cuminsa cu e proceso di e gobierno nobo paso tur informacion cu ta saliendo den medio social no ta berdad. Loke Sr. Besaril kier a comparti cu e pueblo di Aruba pa tene un poco mas pasenshi. Ya ta asina leu cu Aruba lo ni mita di nan ta berdad. Ta pidi un poco prudencia, un poco pasenshi. Ora cu ta nombra un gobierno di coalicion ta tuma su tempo y ora kier pone parlamentarionan nobo in place, pa nan carga nan responsabilidad huridico, cu prome biaha como constelacion despues di 16 pa 20 aña.
Pronto Aruba lo tin su gobierno nobo, segun Sr. Guilfred Besaril.