Otro siman Parlamento lo mester trata e ley di LAft, pa e por drenta na vigor prome cu 31 december 2018. Es decir, prome cu aña a caba, pero esaki no a tuma luga.
Raad van Advies a duna su conseho, cu a drenta dia 16 januari 2019, y tabata tin un periodo largo cual por. Parlamento tabata kier a trata esaki caba y a pone pa wordo trata dia 3 di juni 2019. Tin un diferencia di opinion, cu minister di Finanzas, pa cual ta e protocol. Despues cu e ley wordo aproba den parlamento di Aruba, cu ta un instituto basa ariba constitucion di Aruba, lo bin cu;n amienda, lo cambia e ley y pa e wordo aproba. Esey ta bevoegdheid di parlamento.
Constitucionalmente no por ta asina cu Conseho di Minister di Reino ta bisa si e ta bon of no, despues di aprobacion di parlamento di Aruba. Parlamento di Aruba lo trata e ley, y sea e ta wordo aproba of desaproba. E ley di LAft ta contra di constitucion, contra Staatsregelng y contra statuut. LO bay drecha esaki y haci’e bon manera mester ta/
Tin un articulo importante den nos Staatsregeling, e ta articulo V.13 cu ta bisa cu via un Landsverordering con pa traha e ley, cu ta basa ariba loke ta trata, Deugdheid van bestuur, deugdheid van Financieel Beheer. Loke a haci antes, e base huridico cu tabata tin, cu ta e LAft, articulo 52 di Statuut cu a wordo uza, no tabata na su luga. Y esey mester wordo coregi. Loke ta bay haci ta puro constitucional.
“Gobierno cu gobierno por palabra cu otro, esey ta keda na nan. Un protocol nunca no por pasa ariba nos”, segun Sr. mr. Thijsen. E herarchia di ley ta asina: prome tin tratado internacional, di dos ta bin cu statuut, di tres tin constitucion y despues ta bin e leynan. E protocol no por bin prome.
Dos cos por pasa, cu despues cu aproba e ley, e ta bay gobernador y e por keda sin firme. Cual no ta kere cu e ta un posibilidad, ya cu e ta sigui e conseho di Raad van Advies. Di dos, ministernan, ya cu e ley mester wordo reenforsa. Si nan keda sin haci’e, e tin su consecuencia. E ora lo yama e minister pa bin duna cuenta.
Instituto di Parlamento, y mr. Thijsen, como presidnete di Parlamento, ta sali na vanguardia di parlamento. E secretario di Estado, Sr. Raymond Knops, a bisa publicamente, cu e tin un protocol firma cu gobierno di Aruba, y cu gobierno di Aruba su cuenta con e ta bend’e cu parlamento. No ta asina ta trata cu otro si kier traha den cuadro di statuut. Mester respeta otro. Y esey no por. Loke e parlamento aki ta bay haci, e ta bay drecha e asunto constitucionalmente, pone cosnan ariba pia, pa cosnan cana miho. Y tur esaki ta basa ariba consehonan ricibi, y cual ta miho a base di staatsregeling, constitucion y loke ta Statuut di Reino Hulandes. Niun hende no por bay punta dede ariba parlamento ya cu esey ta nan trabou. Si no por haci esey, mester hala un banda, laga tur cos bay, y esunnan cu ta tuma decision, laga nan haci’e.
Pero mester para principio, of no ta haci esaki pasobra cu tin otro interesnan, cu ta wordo evalua. Aruba semper a para pa loke ta corecto.