TOKYO, Hapon – Parlamento Hapones a duna luz berde na e abdicacion di e emperador Akihito, cu e aprobacion di un ley cu ta permiti e medida aki, cu no tabata contempla den e ley di e Cas Imperial Hapones desde 1947. Di e manera aki, e soberano por cede e trono na su heredero, su yiu homber Naruhito.
E discusion, cu a tarda aproximadamente dies luna, a tuma luga despues cu Akihito, di 83 aña, a anuncia na Augustus ultimo, cu e tabata desea di renuncia na su titulo, debi na su edad avansa y na su delicado estado di salud. Ta trata di e prome abdicacion desde e emperador Kokaku na 1817.
E norma, cu a wordo aproba unanimamente den e Camara Halto di Parlamento, solamente lo cubri e emperador Akihito y ta premira cu e sucesion lo tuma luga na December 2018 of na Januari 2019, no bostante e fecha mester wordo aproba pa Gobierno.
Di igual forma, e legislativo a aproba un resolucion no vinculante cu ta pidi Gobierno pa habri bek e debate riba e permanencia di e muhenan den e Cas Imperial Hapones despues di matrimonio pues e ley cu ta rigi e institucion, no ta permiti pa muhenan ascende na e trono y ta perde su status real, ora cu nan contrae matrimonio cu un persona comun, loke ta practicamente e unico opcion viabel pa nan pues e unico homber soltero di e famiata prins Hisahito, di 10 aña.
Fuente: www.ntn24.com