Diabierna awo un delegacion di parlamento di Aruba, lo ta saliendo pa Hulanda, pa asina participa na e Inter Parlamentair Koningrijks Overleg (IPKO) cu ta bay tuma luga na Hulanda. Presidente di Parlamento, mr. Ady Thijsen ta splica mas di e reunion importante aki.
Despues cu IPKO tuma luga, tin cierto puntonan di agenda hopi importante cu mester atende cu nan, un di nan ta e geschillenregeling y e otro ta e situacion di Venezuela cu sigur ta tocando actualmente Aruba, Corsou y St. Maarten cu tin prioridad cu esaki tambe.
Ta yega e momento pa tende cu esaki vooral cu esun di geschillenregeling cu tin mas cu 8 aña caba, purbando di yega na un consenso di formalisa loke a wordo dicidi den Kamer riba 10-10, 8 aña pasa. Situacion di Venezuela ta keda tenso y ta keda un problema.
Tambe lo kier purba di haya un reunion cu mr. Stefan Blok, minister di Buitenlandse Zaken, pero si no por lo papia den un otro ocasion. Pero despues di esaki nan lo keda un siman ya cu nan ta bezig cu e proceso di indipendisatie di e Hoge College van State entre otro cu Parlamento , Raad van Advies, Algemene Kamer y Ombudsman entre otro.
Pero awor aki Parlamento pa papia cu e instancianan cu a pasa den e proceso aki caba cual ta Hulanda mes, su Tweede y Eerste Kamer. TIn tambe e parti di Raad Van State, e Algemene Rekenkamer di Hulanda y e Ombudsman di Hulanda. Lo bay intercambia cu nan pa den e proceso, pa cu Parlamento di Aruba logra esun di Aruba.
Asina ta cu e agenda ta bay ta hopi yen. Sr. Thijsen ta hopi positivo cu e comision di C.K. cu ta na encargo di Sr. Rocco Tjon, cu ta bay como vocero. Parlamento di Aruba ta loke ta trata IPKO sigur ta riba un liña, Nan a papia cu tur e fraccionnan y e fraccion di AVP cu ta den oposicion. Pero ariba e punto aki, cu ta bayendo Hulanda, Sr. Thijsen ta contento pa ta uni den un blok. Esey ta importante pa e reunionnan cu ta bay bin. E ta un condicion hopi importante pa ta uni. Prome cu e IPKO lo tin un Tripartiet para hunto cu Corsou y St. Maarten pa tambe ta un blok den paisnan den Caribe.
Ta haya cu Gobierno di Hulanda mester ta mas transparente y sincero cu gobierno di Aruba pa traha hunto y por yuda otro pa tuma decisionnan hunto y confia otro. Por ehempel den caso di Venezuela, unda cu gobierno di Hulanda a bay sali bay afo, unda Staatsecretaris Knops a bisa cu nan a bisa cu ta bay yuda cu bijstand pero no riba parti economico. Y esaki ta algo cu ta costa hopi placa, y Hulanda ta na altura di esaki. E ora Aruba a cana e caminda pa bay Union Europeo y ora nan a haya e apoyo a scucha Minister Presidente di Hulanda. Mark Rutte bisa cu Aruba mester a puntra prome. Esaki ta hopi jammer, mesun cos cu e caso cu e afspraak cu gobierno Hulandes a haci cu caso di Geschillenregeling cu tin mas cu 8 aña bezig cu tur Parlamento riba un mesun linea y hasta a aproba un mocion, segun Sr. Ady Thijsen, presidente di Parlamento di Aruba.