LONDON, Gran Britania- Parlamento di Reino Uni diamars a vota contra di e acuerdo di “Brexit” di e Prome Minister Britanico, e conservador, Theresa May a cera cu Union Europeo (UE).
Cu 432 voto contra y 202 na favor, e House of Common a rechasa e acuerdo presenta pa Theresa May.
- Prome Minister Britanico Theresa May
Mas di cien conservador a opone na e pacto di e Prome Minister, cu a sufri un di su derotanan parlamentario di un gobierno Britanico den temponan moderno.
Momentonan despues di e votacion, e lider di oposicion, e laborista Jeremy Corbyn, a presenta un mocion di censura contra di e gobierno conservador cu e obhetivo di purba na forsa un eleccion nobo.
Si May supera e mocion, pa cual e lo mester di e voto di al menos mita di e House of Common, e Prome Minister tin planea pa habri un ronda di reunionnan cu otro formacionnan Britanico pa explora posibel alternativanan na su acuerdo cu lo por conta cu e respaldo di e diputadonan.
E Partido Democratico Unionista di Irlanda del Norte, clave pa forma mayoria parlamentario den e parlamento, e siman aki a insisti cu e lo no apoya un eventual mocion di censura laborista, pa cual May ta confia di cu e lo surpasa e votacion exitosamente.