Tin diferente comision bezig actualmente den Parlamento, caminda miembronan di parlamento a bay bishita Sta. Rosa, unda nan a haya diferente splicacion. Sra. Mervin Wyatt- Ras, Presidente di parlamento ta splica mas tocante esaki.
Tambe Parlamento ta tratando actualmente e ley tocante abuso di mucha, unda e Minister di Husticia y e representante di Ministerio Publico den Parlamento, unda parlamentarionan por haci pregunta y e diferente inkietudnan cu tin tocante abuso di mucha.
Recientemente tabata tin un manifestacion na ministerio Publico caminda nan ta exigi castigonan mas halto pa esunnan cu ta comete abuso. Di parti di miembronan di parlamento tambe, cu continuamente tin reunionnan tocante abuso di Mucha. Actualmente Minister ta den parlamento, y ta probecha pa haci preguntanan tocante e asunto aki.
Ora di reunionnan asina, ta laga tur e miembronan sa over di esaki y toch di parti di oposicion no tin mucho interes pa ta presente na e reunionnan. Nan ta prefera di ta den medionan di comunicacion haciendo buya.
Sra. Wyatt Ras a haya dos peticion pa reunion tocante criminalidad, y tabata tin full un problema tocante criminalidad, caminda Presidente di parlamento a yama reunion publico, unda a trata un ley y a atende criminalidad. Pero e atendencia di oposicion un biaha mas tabata hopi abao.
Criminalidad ta wordo atendi den parlamento, e ta un preocupacion. Den e reunion cu Cuerpo Policial a trece tur e puntonan di preocupacion dilanti. Y por a ripara cu Cuerpo Policial ta haciendo nan maximo esfuerso pa combati criminalidad. Pero oposicion mester ta mas serio den esaki, ya cu nan no ta atende e reunionnan aki, y awo ta pidi un reunion publico pa cu esaki.