Recientemente tabata tin un reunion importante den parlamento, cual tabata un reunion cu portanan cera unda e topico tabata trata Venezuela. Presidente di Parlamento, Sr. Ady Thijsen ta amplia.
A pidi Minister President pa bin duna informacion na parlamento, a peticion di parlamentarionan Sr. Richard Arends y Sra. Marisol Lopez- Tromp. E “besloten bijeenkomst” kiermen cu loke keda palabra den Parlamento lo keda priva ya cu ta temanan hopi delicado. Parlamento ta contento cu e presencia di Minister Presidente, pa mustra transparencia y mustra parlamento cu nan tambe mester tin e informacionnan aki, pa nan por tene cuenta como representante di pueblo y cu nan por tene na cuenta tambe riba desaroyo y e procesonan cu ta andando y cu por tin consecuencia tambe pa nos pais Aruba.
E contenido di e reunion no a wordo revela pa presidente di parlamento, unda cu lo e bisa riba esaki cu nan lo ta maneha informacion hopi delicado y cu cada fraccion den parlamento mester sa con pa trata e informacion aki. Sr. Thijsen, como presidente di Parlamento, ta haya esaki un bon manera unda cu nan por keda den contacto cu e mandatarionan pa asina pro haya informacionnan, pa loke ta trata desaroyo.
Mirando e posicion di Sr. Thijsen, vooral e parti di Reino, e por bisa cu e tin un preocupacion di loke ta trata e parti, unda e delaster añanan, Reino a firma tratadonan cu Venezuela, y ta obvio cu na 2010 nan a firma tratado di e tipo di gas y e tratado na 2013, unda nan a firma un cooperacion economico y maritimo y ultimo loke ta trata e parti di CITGO. Ora cu bo ta den e proceso, e desaroyo aki, mesora esey a bin dilanti y el a trece esaki dilanti pa e pueblo tambe keda atento, ya cu nan mester duna tur e informacionnan cu nan por duna, aunke no por duna tur. Pero esaki ta algo cu ta un discusion cu tabata tin tempo cu a pasa e ley pa loke ta trata CITGO y Sr. Thijsen a studia e documentonan masha hopi mes. Y aworaki, e por bisa cu tin un problema hopi grandi. Union Europeo, Merca y otro paisnan ta aden, nos ta asina cerca.
Aruba tin un relacion hopi cerca di Venezuela, relacion di cultura, turismo, famia, economico y social , pero awor aki lo tin aspraak duidelijk, palabracionnan hopi cla traha den Reino, cu nan momentonan asina ‘ki, Reino ta tuma over loke ta trata Buitenlandse Betrekkingen.
Tempo di Antiyas Hulandes, den IPKO, nan tabata bringa pa haya mas “zeggenschap” pa haya mas di bisa den Buitenlandse Betrekkingen. Pero e palabracion ta cu Reino ta esun cu ta dirigi esaki y nan tin nan criterianan pa bisa pakico. Kisas awo Reino lo bay sinta cu e gobierno di Republica Bolivariano di Venezuela y kisas nan lo pone Aruba/ex- Antiyas hunto pa sinta na mesa. No ta Aruba su gobierno so a sinta cu nan, ta gobierno di Reino y minsiternan di Corsou tambe a bin aki. Y funcionarionan di Reino tabata t’ey hunto cu ministernan di Aruba. Nan a papia cu delegacion di Venezuela, pero prome cu esey a pasa, e gobernador di Falcon, a bin di bishita cerca Sr. Thijsen, unda el a pidi pa parlamento a scuch’e. Door di esey Sr. Thijsen sa di hopi punto claro di nan. Pero p’aworaki, di e manera cu por a compronde, e proceso ta wordo guia door di Reino den e caso aki. Y na nos pais, e ta wordo guia door di Aruba.
A pidi gobierno informacion y el a duna parlamento esaki. Esaki pa Sr. Thijsen esaki ta hopi bon, ya cu Parlamento mester keda haya tur informacion necesario pero si mester ta cauteloso den e caso aki. Si parlamentarionan scoge di papia toch di e contenido, nan mes lo trece nan mes den problema ya cu esey no ta e bedoeling tampoco. Actualmente no tin niun desaroyo positivo, mas bien negativo ya cu esey caba ta un indicativo di con e reunion a bay. Pero loke el a duna di conoce ta puntonan hopi importante pa loke, como parlamentario, mester sa di nan. Pa mañan no bisa, cu ya, nan no tabat sa di nada y ta con ta bay haci e ora di tuma decisionnan hopi importante pa e comunidad aki.
E informacionnan ricibi tabata bon y informacionnan clave. Y asina mester ta tambe den un proceso democratico, segun Sr. Ady Thijsen, presidente di Parlamento.