Parlamento ta baha cu vakantie, oficialmente dia 10 di Juli. Presidente di Parlamente, Sra. Mervin Wyatt- Ras a splica kico tur lo bay tuma luga den e temporada aki cu no tin campaña.
Parlamento tabata tin varios reunionnan den e periodo cu a pasa. Ultimo nan a trata 5 ley, y nan tin un paar mas cu nan ta bezig cu nan ainda, y cu mester wordo trata ainda prome cu eleccion na September. Pero oficialmente Parlamento a bay cu recess, for di 10 di Juli te cu 16 di Augustus. Den e recess aki, pa tur hende cu Parlamentarionan ta traha, dus por bisa cu e trabaonan ta sigui. Den e caso aki, ora di campaña bo ta mas bezig cu e bishita na casnan, pa asina bo por bishita tur hende. Pero e trabao di parlamentario ta continua. Pero no tin ningun reunion di comision den Parlamento, y e trabao ta sigui, pero na un nivel mas keto. Normalmente, tur parlamentario ta bay cu vakantie y pasa tempo cu famia. Pero door cu ta temporada di campaña, e miembronan di Parlamento ta mas bezig cu bishitanan, pa asina nan por pidi e sosten pa e temporada di eleccion.
Presidente di Parlamento, Sra. drs. Mervin Wyatt- Ras a gradici tur e personal di Parlanento cu a asistinan den e aña cu ta bayendo, pa nan input. Sin nan input nada por wordo haci. Reunionnan no por sigui, sin e cooperacion di e miembronan. E personal cu ta atento pa cu e bishitanan. Tambe e parti administrativo, tur ta personal den parlamento ta importante y necesario. Tur e instancinan tambe cu ta traha cu Parlamento, ora di pidi un servicio, y tambe Cuerpo Policial cu semper ta cu nan na Parlamento. E cooperacion cu Cuerpo Policial ta excelente. Y por ultimo, miembronan di prensa, cu ta coopera cu Parlamento ora cu mester suminstra informacion na e pueblo.
Diabierna ta e ultimo dia cu Parlamento ta suppose di tin encuentro y reunionnan den Parlamento, segun Sra. drs. Mervin Wyatt- Ras.