Sra. Jennifer Arends- Reyes, parlamentario pa partido AVP, a declara cu Parlamento a aproba e mocion pa hasi sondeo pa wak con por contribui cu opvang di yiunan y wak si tin espacio fiscal pa hasi’e deducibel.
Recientemente e ‘ley di crèche’ a ser unanimamente aproba den Parlamento. Un ley cu pa mas cu 20 aña Aruba a warda riba dj’e, den transcurso di tempo a yega di traha riba diferente concepto di ley cu no a conoce su realisacion. Na momento cu tin un caso lamentabel ta pasa na Aruba, sali den publicidad of ora cu tin competencia unfair di crèchenan clandestino e necesidad real pa Aruba tin un ley asina ta resalta. Awor Aruba por bisa cu e tin un ley cu ta exigi pa tur centro di cuido di mucha cumpli cu rekisitonan basico pa por traha cu mucha y Mayoria di centro di cuido existente ya ta cumpli cu mayoria di rekistonan basico aki. Y asina mes e ley aki ta duna plazo di tempo pa por cumpli cu nan. Nan no ta rekisitonan cu ta irrealistico of cu a inventa. Ta rekisitonan basico den e liña di locual ta traha cune den region y lo ta factibel e situacion pa Aruba sin compromete e calidad y sin cu e mester tin consecuencia drastico di aumento di prijs. Por ta lo mester hasi uzo di algun asistent mas pa e grupo di muchanan di 3 plus pa asina reinforsa e cuido y supervision ariba e muchanan pero locual cu bo ta hanja a cambio, e extra ‘peace of mind’ cu e mayornan ta haña a cambio no tin prijs pe. Locual si ta un bon tendencia di diferente doño di trabou ta cu nan ta yuda contribui cu e pago di centro di cuido di mucha. Durante e tratamento di e ‘ley di crèche’ parlamento di Aruba a aproba unanimamente e mocion pa hasi sondeo pa wak con por contribui cu opvang di yiunan y wak si tin espacio fiscal pa hasi’e deducibel. Nos por a tuma nota di diferente partido politico cu ta promete cosnan cu ta existi caba of cu ta den tapara Sra. Arends-Reyes ta termina bisando.