Ta prome biaha den historia di Aruba cu na momento di huramentacion di miembronan di Parlamento ta falta uno presente.
Esaki ta debi cu e Politico en cuestion ta cera den KIA. Esta Benny Sevinger.
Por lo menos e ceremonia a bay trankil cual tabata bou guia di Gobernador Alfonso Boekhoudt. E ceremonia a dura menos di 30 minuut. Na final tur e parlamentarionan a “pose” cara pa tribuna publico pa tur esnan presente por a saca un potret y a sigui pa e brindis.
Den e tribuna tabatin invitadonan special, cual mayoria tabata familiar di e miembronan nobo di Parlamento.
Como cu no tin un president, e ceremonia a wordo guia pa e miembro cu mas aña di trayectoria y esaki tabata drs. Mervin Wyatt Ras. Den oranan di merdia a sigui un reunion pa eligi un president y vice president.