Comportacion den sala di Parlamento ta demostra respet pa nos pueblo. Pero no ta tur ta cumpli cu e patronchi di conducta aki. Presidente di Parlamento, Mervin Wyatt-Ras, a splica cu tin parlamentario cu durante nan discurso ta yama otro pa sin berguensa, hopi palabra bao di nivel. E parlamentario durante su discurso, e tin e derecho pa expresa su mes y esey tin cu respeta. E ta un Parlamento unda cu bo ta duna oportunidad pa pueblo. Ta bisa tur e parlamentarionan ta representantenan di pueblo y tin cu duna nan e chens pa asina nan por expresa asina mes. Eynan aki aya, ora e ta bay dimas, si nan tira palabra di mas, bo ta grijp in, pero e no ta un creche. Ta hendenan grandi adulto forma, hendenan cu a sigui estudio, hendenan cu tin hopi voto tin di nan y toch cu nan ta bay den un nivel asina abao. Esey ta nan responsabilidad. Esey pueblo tambe ta wak.
Den un otro banda tin e publico. E publico a ariba den tribuna. Ora cu tin hopi publico, tin biaha bo no ta tende di unda e zonido ta bin. Pesey mes tin polis den sala pa asina yuda mantene orden. Toch tin hende ta tira palabra y ta cay den e zonido. Eynan ta caminda cu ta un reto pa mira otro paisnan, ora cu publico ta full cera y cu e no tin mucho contacto cu e Parlamentarionan of directo cu sala. Akinan na Aruba, miembronan di parlamento ta lanta durante un discurso, cana bay den publico, sinta papia cu nan y ora bo taha nan ta keda wak bo pasobra nan tin e derecho, pasobra nan ta parlamentario. Eynan tambe ta duna e mal ehempel na e publico cu e mag di papia. Of tambe tin biaha dal un hari of tira un palabra eyden, ta tah’e, pero e publico ta wak y publico ta mas. Ta mescos cu tin un grupo di hende, un hende ta haci algo y e masa ta sigui’e. Ta cierto cosnan cu no ta bay cambia. Hopi presidente tabata sinta den sala. Wyatt-Ras tambe a presidi anteriormente. Tanten cu e parlamentario sinta abao no mustra cu e ta sinta keto, e ta scucha otro, e no por logra tambe cu e publico ta keda rustig. Otro ehempel ta mustra cu e parlamentario no ta wordo scucha, pero ora cu otro ta na turno, e no ta duna e miho ehempel. E presidente ta sinti’e fastioso pa coregi e otro cu ta papiando, ora cu e mester papia, esun no ta scuchando e. Esey tambe ta e discusionnan cu tin semper. Tin tambe den tapara den Parlamento mes, un tipo di gedragscode. E ta full den concepto, no ta algo cu a trat’e, pero e ta algo tambe cu kier bay toch papia riba dje, segun Wyatt-Ras.
- Latest
