Parlamentario Rocco Tjon di fraccion di MEP a bishita Cacique Macuarima y ta lamenta y condena e sucedido y pesei a compaña su colega Vrolijk cu tabata un ex docente na e scol. Aña pasa por a tira un bista riba e, e-learning proyect cu a keda lidera pa Minister President y coelga den parlamento sr Edgard Vrolijk, y a percura pa Macuarima School tin e material necesario pa na por duna contenido na e E-learning proyect y ta lamenta profundamente kico a sosode.
Parlamentario Rocco Tjon a bisa e ta importante pa husticia tene na cuenta cune, y sa cu Cuerpo Policial cu e departamento di prevencion cu lo por duna hopi tips mirando e inversionnan cu Gabinete Wever Croes ta haciendo den nos scolnan y mas y mas ta inverti den materialnan costoso y importante pa bin un plan integral y nacional y kisas te hasta garantisa seguridad na scol y no solamente pa e momentonan cu ta duna les unda tin maestro y e muchanan, pero tambe ora cu no tin hende y cu e propiedad por ta sigur.
Pa Sr Tjon e acto cu a keda haci na Cacique Macuarima tin cu categorisa esaki hopi mas pisa cu djis un vandalismo caminda ta susha muraya, kibra porta, bentana y esaki a bay hopi mas leu serio y practicamente na un manera organisa a trata na kima full un hala di lokaalnan y cu practicamente tur e lokaalnan aki tin e digi boardsnan, airco y nos ta condena esaki sigur y sigur lo haya un atencion di parti Cuerpo Policial y Ministerio Publico. A combersa cu diferente maestro y dios gracia tin camara cu por wak cu ta hobennan a haci esaki y esaki ta un parti pa mira cu e crisis social plan cu Gabinete Wever Croes ta para pe cu obviamente tin un problema den parti social di hobennan cu ta acudi pa haci tipo di actonan aki.