https://www.facebook.com/masnoticia/videos/1270242163013369/
Parlamentario y vice presidente di Parlamento, Rene Herde, tabata na Tamarijn den cuadro di un candela cu tabata tin dialuna y cu tabata un molester grandi pa e bisiñanan.
E parlamentario a splica cu el a wordo yama door di e habitantenan. Tin algun di nan a sali for di nan cas, pasa anochi otro caminda, pa motibo un incendio den un dump ilegal cu ta for di mainta 10’or. Tin un cantidad di truck di DOW y Brandweer tabata tey. Cantidad di awa mester a basha y ainda tabata tin diferente caminda cu tabata tin candela. E huma si a bira menos. E stof a bira menos, pero no ta cla. Tin di compronde di hendenan di brandweer cu DOW cu nan lo a sigui te ora cu nan a page mas tanto posibel. Tipo di candela asina por lanta bek y tur e trabao a bay perdi.
Molester grandi pa e bisiñanan ta loke ta e problema grandi. E origen di e problema ta un biaha mas un dump ilegal cu ta wordo opera incorectamente. Segun Herde, un dump, si ta sushi di construccion so ta wordo basha, imposibel cu por tin un candela di e magnitud aki.
Por a tuma nota kico autoridad, Brandweer y DOW ta haciendo. Autoridad a continua. Herde a yega di bay eynan na 2012, caminda cu tabata tin un candela grandi. E mesun bisiñanan cu a yama Herde, ta tristo cu por a wak e mesun situacion aki ta opera.
Herde ta compronde e resistencia di e doñonan di dump, pero e molester cu e dumpnan aki ta causa pa bisiñanan ta inaceptabel. Tin cu bay atende atrobe e biaha aki na un manera mas severo.
Na momento cu causa e tipo di cosnan aki, logicamente e cuenta ta bin pa e doño. Tin un discusion cu e doñonan riba e gastonan extra cu nan tin. Pero ora cu opera un dump na un forma incorecto, por compronde cu autoridadnan ta bisa cu tin cu paga e gasto, pasobra e bisiñanan no por haya e consecuencia di e mal operacion di un dump, pa colmo ilegal, segun Herde.
Tin un dump oficial y ta eynan tin cu bay. Si tin un deal cu cualkier compania, mester maneh’e drechi. E ta ilegal y no tin mag di haci’e mes. Pero cu bay dj’e ley ey pa permiti candela, ta inaceptabel. Mientras cu autoridad ta sigui, diamars lo pickup e tema na Parlamento mes.
Esey tambe por duna un muestra cu kier bin cu un dump den bario, cu si tin un dump den bario, esaki ta tipo di causa di molester.
E parlamentario a enfatiza cu hende tin tereno priva y saca santo pa haci negoshi y ora cu e buraco bira grandi, kier cere bek, y ta haya e situacion cu ta haya sushi pa tap’e bek pa no keda un buraco y ta haya e consecuencianan aki. Tin solucionnan di DOW y hasta ley prepara. Tin cu bay ehecuta esakinan, pasobra e resistencia contra e tipo di dumpnan aki of pa mantene tipo di dumpnan aki, no ta pisa suficiente pa permiti nan si e ta causa asina un molester pa e bisiñanan.
Ta spera cu lo tabata finalisa cu hende conciente di e daño, lo a stop cu e cosnan aki, ora cu e cosnan aki sosode, toch mester actua, e parlamentario a finalisa.