Recientemente a tuma luga un reunion di Comision Central pa trata nombramento di Juan David Yrausquin como Ministro Plenipotenciario pa reemplasa Alfonso Boekhoudt cu a bira Gobernador.
Manera conoci cu un screening di Juan David Yrausquin mester tuma luga y akinan parlamentarionan a keda sorprendi pa e verslag di screening di Juan David Yrausquin. Riba e pregunta cu si tin algo den bo bida cu por stroba bo den bo funcionamento Juan David Yrausquin a contesta:
“In het verleden cannabis gebruikt”.
E pregunta akinan segun Parlamentario mr. Juan Ady Thijsen ta kico ta “verleden”. Si ta tempo Juan David Yrausquin tabata jong no ta problema pero nos tin cu tene na cuenta cu na 2013 Juan David Yrausquin a pasa screening pa Ministro di Finansas e tempo ey e no a declara cu e a droga.
Segun Parlamentario mr. Juan Ady Thijsen ta eynan e rabo di porco ta krul ya cu loke ta importante ta si Juan David Yrausquin ta apto pa funciona awo como Ministro Plenipotenciario. Ta Juan David mes a crea e duda grandi si e ta ainda e ta usando droga.
Ainda ta fresco na memoria su karatetrap riba Booshi Wever, su declaracion di scopet na cabes y su yoramento ora Hulanda a trape. Segun Parlamentario Juan Ady Thijsen mas cu nunca ta bin e pregunta dilanti si parlamentario y ministronan mester pasa test di droga.
Tanten cu esey no ta e caso, Mike Eman tur e biaha cu e tin cu haci cambio den su team e mester ta mas skerpi. Pueblo tin derecho di representantenan apto pa funciona sirbiendo e comunidad.