A pasa un aña cu nos pais ta bow curatela di gobierno Hulandes pa medio di e introduccion di un CAFT pa Aruba. Dia 27 di Augustus 2015 partido AVP a acepta metemento oficial di parti Hulanda pa cu asuntonan interno di Aruba. Esaki a bin como resultado di un maneho di mal gobernacion muy en especial e parti financiero pero e tabata pa maneho en general di gabinetenan Mike Eman I y II. E intencion di Hulanda tabata mustra di ta pa para mal gastamento di placa y forsa Mike Eman cambia e rumbo di mal maneho cu su gabinete tabata hibando. Awor un aña despues por mira cu e intencion di Hulanda tabata no tanto e control financiero sino e poder en general riba Mike Eman pa asina beneficia interesnan di Hulanda, specialmente interesnan economico. Segun Parlamentario mr. Juan Ady Thijsen Hulanda a firma varios convenio cu Venezuela, tin inversionnan den Venezuela, tin biddingnan gana pa trabaonan grandi na Venezuela, mientras Hulanda tin problema cu su mesun gas na Hulanda. Tur esaki mientras Aruba ta den busca di gas y tur indicacion ta cu Aruba tin gas. Hulanda tin su intencion y ya na 2010 prome cu a papia di reapertura di refineria a negocia un pipa di gas pa Aruba. Segun Parlamentario mr. Juan Ady Thijsen CAFT TA UN ADORNO mirando cu si e meta tabata para mal gobernacion muy en especial e parti financiero, awor na 2016 cu ta resulta cu e debacle financiero ta sigui igual CAFT si e tabata haci su trabao bon, e mester a bisa Hulanda cu Aruba no por sigi bow di un maneho iresponsabel financiero di Gabinete Mike Eman. Na luga di esey CAFT ta keda hunga cu cifra puro cifra. Gobierno di AVP, Gabinete Mike Eman II, keto bay ta ariba caminda di ONBEHOORLIJK FINANCIEEL BEHEER! Y sigue la fiesta!!! No ta papia mes di e tanto leynan cu dictum 5 cu ta worde pasa den Parlamento, ni tampoco e negoshi cu propiedad di pueblo cu ta tumando luga. Gobierno a hasta regala su mes un kwijtschelding di SVB di 60 million y ningun protesta di CAFT. Segun Parlamentario mr. Juan Ady Thijsen no ta keda MEP nada otro di pone Mike Eman y Hulanda responsabel pa tur e consecuencianan malo cu e lo bay tin pa nos pais y dañonan cu nos digno pueblo lo sufri! Aruba MERECE mihor!!