Parlamentario Mervin Wyatt-Ras: Ta tratando tur ley pero menos esun di abuso di mucha

A acerca Parlamentario Mervin Wyatt-Ras pa haya sa dicon te cu awe ainda no a atende e reunion den Parlamento pa loke ta e casonan di abuso di mucha. El a splica cu e parti di castigo penal ta trata pero si falta otro parti pa cuminsa atende den e reunion di cambio den e Codigo Civil.

E ta splica cu nos Codigo Penal a wordo aproba caba. Nos codigo Penal ta uno cu a hisa te hasta castigonan pa mucha y unda cu a yega tambe cu tin boet ora cu tin cierto tipo di abuso y a specifica te hasta cu abuso di mucha no ta encera muchanan cu ta den un desaroyo normal, pero tambe muchanan cu tin un of otro deficiencia. Te hasta hende muhe ta wordo proteha den e ley aki.

Pa loke ta trata e Codigo Civil ta caminda cu e instancianan cu mester bay registra y meld, e instancianan aki ta bay wordo proteha y fortifica den e ley aki. Abuso di mucha ta bay keda algo dificil pa prueba. E ta importante e ora ey, no solamente pa tin bo aparto hudicial na su luga, pero tambe instancianan social, cu nos ta señala hopi mas lihe, por bay un caminda hopi mas lihe pa papia riba dje. Si ripara cu un mayor ta maltrata su yiu, door di bay meld y haya conseho, por bay papia cu e mayor of un profesional cu por bay den un fase tempran of un maestro di scol, cu ayudo/sosten di un profesional, por bay mas tempran pa evita cu e abuso ta bira mas grandi. Tur esakinan ta tools den practica cu e personanan ta haya pa asina por preveni abuso. Ora cu sosode caba, e mucha cu a wordo abusa ta haya hopi problema. E ta haya un trauma, e ta haya problemanan escolar, cu su mes, cu su autoestima y esey ta rekeri un ayudo hopi mas profundo, banda di e proceso cu bo ta aden huridicamente, cu segun e Parlamentario ta haya no ta esun di mas importante. Tur dos tin cu haci pareu. Hopi biaha e proceso hudicial pa sali afo cu nan no por haya prueba. Hopi biaha e abuso ta sosode scondi. Pero importante ta tambe cu tin e ayudo pa e persona y esey segun e Parlamentario, ta para p’e.

Comments

comments