E ley di Kinderopvang lo bay keda yama den cualkier momento den Parlamento di Aruba y sigur, segun Parlamentario Marlon Sneek, esaki tin cu bay haya su atencion.
Diferente fraccion riba e ley den e caso aki firma pa minister Hooyboer-Winklaar, pa loke ta Kinderopvang, a drenta Parlamento. Segun Sneek, e comision di enseñansa a sinta cu diferente stakeholder. Entre otro cu e grupo di persona cu na e momentonan aki tin creche cu tambe lo bay cay bao di e ley aki. Tin un reunion ainda pendiente cu nan cu nan tambe lo kier a mira den e ley.
Tin cu bisa cu all by all sigur ta carga sosten y aki aya algun preocupacion cu sigur fraccion y sigur e minister tambe, mirando cu el a sinta cu e personanan aki, lo bay duna oido na e preocupacionnan en cuestion.
E ley aki lo regula con pa tin un kinderopvang. Pa tin un luga pa ricibi mucha, pa duna nan cuido parti mainta, full dia, prome cu scol si no ta muchanan cu ta bay scol y despues di scol, tur ta bay tin regularicion pa tin un garantia pa ora cu laga e yiu un caminda, cu tin un garantia cu e mucha ta den un luga cu ta cumpli ley, normanan di siguridad, etc. Esey ta importante pasobra tabata un preocupacion sigur despues du a mira diferente caso straño, caminda cu hasta muchanan a muri den creche. Muchanan cu mayornan tin biaha ta buta riba facebook den ki forma nan a bay scol y con nan a bin bek, pa garantisa integridad di cada mucha ora cu nan ta na un crece. Esey ta e ley cu ta bay atende cune den su totalidad, e Parlamentario a comenta.