27 di September ta un fecha cu lo bay den historia di nos país, un dia hopi grandi pa nos pais y sigur pa partido AVP mi no sa si ta pa casualidad of ta cos di destino, pero ta net 3 aña pasa ariba un 27 di September cu e pueblo di Aruba a duna A.V.P e confiansa di mas grandi den historia di e partido te cu awo, resultado di eleccion tabata cu A.V.P a keda reeligi y partido a gana eleccion cu 13 asiento di e forma aki duna partido AVP e mandato pa continua cu e gobernacion di nos país.
Un mandato asina aki ta duna reconocemento na e trabounan grandi cu a wordo ehecuta pa Gabinete Mike Eman I y sigur aprobacion total pa e bon trabou cu a wordo haci di 2009 pa 2013 e expresion cu ‘bon trabou’ tabata confirma esaki. Pero e mandato tambe tabata bisa ‘ainda falta’. 27 di September 2016 anochi tabata un anochi caminda, un otro di e metanan cu ainda tabata falta a wordo logra, despues di a salva e fondo di Pensioen di nos grandinan, despues di a salba e fondo di pensioen di APFA, despues di a atende e retonan di AZV, despues cu a haci nos turismo uno solido, e reapretura di e refineria ta otro di e logro nan cu ainda tabata falta. Parlamento cu 19 voto na fabor a bisa un si contundente na e reapertura di e refineria. Un anochi colma di alegria, tanto den sala di Parlamento como riba tribuna cual menster bisa cu tabata yen yen, e emocionnan tabata halto, cu un aplauso grandi e publico a celebra, e hecho cu e ley a wordo aproba pa Parlamento di Aruba. Mester bisa cu tabata un momento hopi bunita y cu lo bay den historia como e momento cu Aruba a tuma e miho decision pa loke ta su futuro. Cu e ley aki Aruba a drenta un era nobo, na 2009 cu gabinete Mike Eman a drenta gobernacion a haya Aruba riba un solo pia y riba dje un pia manca. Turismo tabata afecta y Aruba henter tabata den un sufrimento. Un situacion sumamente precario. Gabinete Mike Eman a traha duro, dia y anochi cambiando asina e perspectiva amargo di Aruba den uno prometedor. Pero tabata falta un parti esencial di e pilar economico cu semper a carga nos economia cu tabata e refineria. Awor cu e aprobacion di Parlamento pa realisa reapertura di e refineria. Nos por gradici y felicita henter pueblo Arubano, pabien, un pabien bon mereci na Boso tur. Boso a duna nos e sosten pa ta aki awe pa por realisa apertura di e refineria.”
Un bes mas mi kier a manda palabranan di gratitud na tur e expertonan cu a yuda den e proceso y un palabra special di elogia na Minister de Meza cu a haci un gran trabou durante henter e procedura tras di lomba y su tremendo resultado.