Parlamentario Marlon Sneek di AVP: Diferente scol a haya atencion

Tin scolnan cu no a haya atencion durante vakantie cu awor ta un dolor di cabes pa e docente y mayornan. A puntra Parlamentario Marlon Sneek di fraccion di AVP, kico ta su pensamento, tin scol cu no a haya atencion.
Si mira e totalidad, cada bes ta mira sigur coy e vakantie aki di scol, por a mira diferente scol a haya atencion. Un bes aki cuater mas ta bay haya atencion entre otro Cacique Aterima na Santa Cruz, SPO na Santa Cruz, Pius X, Maria Goreti na Paradera. E trabaonan ta wordo haci, pero mester corda cu tin diferente obstaculo cu ta 1. Mester tin un bestek cla, mester bay cana e caminda, den e caso aki di destaho publico, tin tambe otro scolnan cu ta bezig cu nan. Tin biaha e lista di prioridadnan aki ta loke ta loke ta strobe. Sneek ta sigur cu e atencion ta wordo duna na cada un di e scolnan aki. Den combinacion cu nan doño, esta SKOA. En principio ta bao di nan e responsabilidad di e scolnan ta y den e caso caminda Gobierno tin espacio y tin caminda cu cosnan cu ta bisa cu esaki ta algo grandi, un grote beurt, algo cu SKOA no por handle, Gobierno sigur lo tuma carta den e asunto.
Sneek a sigui splica cu e reparacionnan ta tuma luga. Den vakantie a bay rond. E tabata na Sagrado Curason na Savaneta. Por a mira cu a wordo poni pa nan den e caso aki un speelplaats a wordo drecha cu asfalt nobo, klasnan a wordo geverfd. E mesun problemanan cu por a mira na otro scol, otronan a haya atencion. Ta un biaha mas e simpel hecho ta e lista di prioridad cu sigur nan lo bay haya atencion. Gobierno tin un taskforce cu ta haci e trabaonan aki. Ta trabaonan chikito cu sigur lo bay haya atencion. Ta cosnan cu hopi biaha mester purba di keda trece nan na atencion tempran, pa por atende cu nan prome cu haya cu aña escolar ta cuminsa y ta den un situacion cu tur cos no ta na ordo.
Tambe por a scucha di algun scol cu a haya retraso pa loke ta trailer cu mester a yega, e planning no tabata bon. Tabata tin scolnan cu a habri cu klasnan mester a via klasnan di otro scol pa duna muchanan les. Tur aña ta haya e cosnan aki caminda cu planning ta bruha, pero tin atencion y nan lo haya e atencion debido di parti di minister y sigur e departamento cu ta encarga pa mantene scolnan pa por pone atencion y garantisa cu e muchanan por tin nan bañonan na ordo y por haci bon uzo di nan.

Comments

comments