Manera tur hende sa e topico di Dom no ta uno nobo paso e ta bai hopi aña atras, segun Parlamentario Marisol Lopez-Tromp, y cu hopi intencion semper pa elimina esaki y bin cu alternativanan. E parlamentario tabata presente na un sesion informativo riba e topico di Waste Management y e proceso cu esaki ta canando aki na Aruba. Expertonan a splica e procedura completo na un sala bastante jen y caminda cu diferente actornan, gruponan den comunidad cu ta den e tema di waste management por haya hopi informacion riba e topico aki y cu ta toca por ehempel e parti labor, e parti tecnico con leu e procedura ta cu nan ta bezig cune aworaki, e derechonan di trahado. Pues e ta basta amplio splica pa parti tereno, unda e ta bai ubica den un forma habri. Tabatin hopi interes pa scucha y e sala tabata jen y manera Parlamentario Lopez-Tromp a bisa cu el a tende nan bisa cu ta bai na e sitio mes tambe manera ta poni den e schedule. Y na e lugar mes a wordo duna un presentacion kico tur ta bai ubica y na unda y cu ki meta pues nan ta hopi transparente y hopi cla.