Durante e conferencia di prensa semanal di MEP, Glenbert Croes a splica riba e caso di Baby Luna cu ta den man di nos Gobierno. Tin hopi mas caso na Aruba cu no ta hayando atencion manera mester ta door di e servicionan di AZV y Gobierno.
E Parlamentario a dedica tempo na e caso di Baby Luna, manera ya indica. E caso aki ta conoci pa henter nos comunidad. E no ta bay solamente pa e caso en particular, pero e politica generla di AZV y Gobierno di Aruba, en particular ministerio di salud, pa loke ta trata kico ta e punto di salida di maneho pa salba bida, lucha pa salba bida di nos muchanan y obviamente no ta tende caso di Baby Luna, pero tin mas caso asina.
Unda cu Gobierno, ministerio di Salud y AZV ta tuma un postura inhumano pa loke ta e lucha cu mester wordo hiba pa purba di salba bida di e babynan, pero por tende di nos hendenan grandi, nos bieunan, cu riba hendenan di edad, tampoco ta wordo lucha ora cu nan ta yega na un edad hopi halto, cual tampoco ta lucha pa nan bida, pasobra nan a bira mucho bieu, pero den caso di baby luna, no ta dune chens segun opinion di dokternan na Aruba of expertonan na Aruba.
No ta dune chens pa biba y ta cera pa e posibilidad di yude y pa e yiu chikito haya un chens pa biba. A dicidi mas cu un siman pasa despues cu e famianan, amistadnan of hendenan cu kisas no concoce e famia. Ta yega un momento cu e caso aki ta touch cualkier ser humano su curason. Pesey mes no por compronde dicon e caso di baby Luna no ta touch e curason, e humanidad di Gobierno di Aruba, di Ministerio di Salud y di AZV y ta hiba na e discusion di mas importante, kico ta e falta di humanidad den e maneho cu ta wordo hiba awor aki, pa loke ta trata otorgamento di autorisacionnan, manera den caso di Baby Luna, e por haya un chens.
Baby Luna na e momentonan aki ta na Utah, Merca, unda cu tin e hospital of e dokternan cu ta atende e casonan specifico di un baby cu tin un buraco na su curazon. E baby a yega Utah. El a gana curason cu su mirando nos tur. Por siguie riba facebook. Esnan cu a yuda, a paga pa asina por bay Merca y lamentablemente AZV a bisa no, cu nan no ta cubri e gastonan pa por logra haci e operacion, e por logra haya e operacionnan wordo paga, pa asina e por tin un chens di keda biba.
Como representantenan di pueblo, como tata di yiunan, como ciudadanonan cu ta stima bida di cada ser humano con chikito e por ta of con bieu e por ta, ta kere cu maneho di Gobierno di Aruba, Ministerio di Salud y AZV mester lucha te final pa salba bida, segun e Parlamentario.