Dialuna mainta Parlamento di Aruba a confronta cu situacion di airco unda desconocinan den marduga a comete destruccion na e tuberia di airco pa manda frieu paden na e sala. E reunion a start den careda di 10 or mainta ta trata di e reunion cu fraccion di MEP a pidi relaciona cu partimento di tereno na amistadnan cerca di e Minister, y tambe dicon e 11.000 hende cu a haci peticion na tereno no ta haya esaki.
Den careda di 3:40 atardi Parlamentario Evelyn Wever Croes a pidi presidente di Parlamento Drs Marisol Lopez Tromp si por schors e reunion te ora cu drecha e problema di airco debi cu ta calor den sala y e no por mas ya cu su presion a subi. Presidente di Parlamento a puntra algun otro colega den sala ki nan ta pensa pa schors e reunion debi cu e problema di airco no lo wordo resolvi ni awe pa mayan.
Sr. Rene Herde di fraccion di AVP a bisa cu si ta pe NO ta schors reunion y ta sigui cu e reunion aki. Sr Rene Herde a comenta cu riba dje nan mester a wordo fraccion di MEP su miembronan cu a yega trabou basta laat y awor Sra. Evelyn kier para e reunion debi na calor debi cu no tin suficiente frieu den e sala di Parlamento. Tur esaki a mira discusion un rato unda tabatin intercambio di palabra, y na ultimo Parlamentario Evelyn Wever Croes a bisa cu e lo bay sinta den fractie kamer di MEP y sigui e reunion.