Parlamentario Endy Croes ta lamenta masha hopi con (2) periodista kendenan e ta bisa a atraca caha di gobierno pa un suma di 8 miyon florin bou di gabinete Eman 1 y gabinete Eman 2 awe ta grita y haci tur sorto di boroto pa trese instabilidad politico den un isla cu asina tanto reto. E ta bisa cu Aruba ta traspasando den su momentonan mas critico den su historia. Prome Minister a atende cu e Pandemia aki na un manera diligente y ta riba e caminda corecto drentando e fase di recuperacion. “Hendenan manera Patrick Paskel y Speed Andrade cu a cobra of a “horta” e pais aki na un manera kisas “legal” sin escrupulo un suma di 8 miyon florin na propaganda. Net nan kier lanta tur dia cu un storia al respecto pais Aruba.”
Adhunto ta ilustra algun cobransa di Patrick Paskel di Tera Group unda ta ilustra con Patrick cu bendicion di Mike Eman tabata “ranca miyones di e pueblo aki pa nan propio cartera. Asina tin hende cu a inventa “media monitoring” pa monitoria y graba tur radio y medianan kico nan ta papia di gobierno di AVP e tempo aya. Pa esaki nan tabata cobra miyones. No mester lubida cu e mesun tiponan aki a hinca nan man den Ultilities pa 500 mil, horta den RDA otro 500 mil sin contract, strica den Lotto y AVB mas di 500 mil. Pues habraca nan a habraca cahanan di pueblo. Awor e cabuya di “horca” ta pretando nan garganta y cranchi a cera nan a cuminsa dal saltonan mortal cu tur sorto di critica. Hasta lembe nan ta lembe na manera fini awor pa cu e proximo gobernacion.”
Croes ta sigui bisa cu te hasta riba Ministerio Publico nan ta calumnia. Ta bon pa hustamente Ministerio Publico tira un bista mas di cerca riba cobransanan di companianan Tera Group , Paxi (ambos di Patrick Paskel), Paparazzi di Speed y diferente otro companianan di e “tiponan” aki. Na un manera di sinberguensa nan a ranca masha hopi placa di pueblo. Ta pa e razonnan di a cobra sumanan extravagante na e manera abusador e dosnan aki ta defende Mike Eman y AVP a costo di tur cos. Por ehempel werksternan ta pasando den angustia y e placa cu Patrick cu Speed a ranca for di caha di pueblo por a garantisanan 8 aña di salaris y trankilidad. Asina por sigui riba e dos locutornan cu ta kere cu Aruba ta di nan so y ningun ni husticia lo por persigui nan.”
Den e temponan actual cu Aruba ta traspasando hendenan negativo asina manera Patrcik y Speed mester keda leu di tur gobernacion y sigur leu di e caha di pueblo pa Aruba por recupera, Croes ta termina bisando.