Parlamentario Endy Croes: Hunto cu Rocco a reuni cu Consul di USA

Parlamentario Endy Croes hunto cu Rocco Tjon representando Fraccion di MEP a tabata tin un reunion sumamente exitoso cu Consul Americano staciona na Corsou kende tabata na Aruba pa algun dia esta Christian R. Olson Consul for Political and Economic Affairs. Durante un reunion bastante extenso a comparti basta informacion cu otro riba primordialmente riba e tereno economico como cu Aruba ta un di e islanan cu mas a wordo afecta economicamente door di e crisis como cu nos unico pilar esta industria di turismo mester a shutdown totalmente pa algun luna y poko poko ta purbando di recupera y cual lo tuma su tempo pa alcansa peaknan manera aña 2018 y 2019 cu tabata aña nan top.
/// Consul Christian Olson a comparti algun tremendo informacion:
Durante e reunion aki nos a comparti nos pensamentonan cu e peticion con USA por yuda Aruba pa atrae inversionistanan potencial Americano kendenan den un periodo cortico por yuda nos jump start nos economia cu inversionnan signicativo y asina alkansa nos meta di recuperacion mucho mas liher cu proyecionnan actual. Mester bisa cu nos ta sumamente contento cu e reunion aki y agradecido pa e compromisonan logra. Christian Olson a splica cu Gobierno Americano tin comprension total y ta comprometi pa atrae y sostene inversionistanan grandi pa cristalisa algun proyectonan gigantesco cual lo significa un “boost” rapido pa cu nos economia na Aruba. Mester bisa cu ta un poco prematuro pa comparti e direccion y tur informacion publicamente pero Parlamentario Endy Croes ta garantisa cu prome cu aña 2020 termina e anucionan oficial lo wordo haci. Realidad ta cu Covid 19 a percura pa un aña hopi malo pa Aruba y henter mundo. Cu trabounan duro y cu Fe den nos Señor nos sa cu semper nos por logra cosnan grandi. Parlamentario Endy Croes ta termina cu un palabra di speransa grandi pa Aruba y ta pidi pueblo mantene pasenshi como cu prome cu 2020 caba noticianan grandi lo wordo anucia. E projectonan aki lo bay contribui masha hopi mes na nos desaroyo economico. Tin perspectiva hopi positivo pa 2021. Un palabra di gratitud na Consul di USA Christian Olson pa e “committment” di Gobierno Americano pa e compromiso pa trese inversionistanan potencial dentro di poco. Ohala mi por a adelanta na henter comunidad pero na su debido tempo esaki lo wordo anucia. Un tremendo reunion hunto cu Rocco Tjon cu Consul di USA.

Comments

comments