Parlamentario Endy Croes a splica cu e pandemia a dal mundo henter hopi fuerte. Aruba sinembargo ta depende riba un pilar economico cual ta nos turismo cu a sinti esaki mas duro cu hopi otro partinan rond mundo.
No obstante, gobierno bou liderazgo di Evelyn Wever Croes a percura pa tuma e miho decisionnan pa proteha pueblo y yuda e pais sali poco poco for di e Pandemia aki.
Encuesta haci na juni 2020 a papia hopi cla:
Resultadonan di e encuesta “ Building Strong Foundations for Economic Recovery & Resilience Community” a ilustra factornan hopi importante. Den luna di juni 2020 a conduci 2 encuesta digital cual a reconfirma e trabou desplega pa 17 diferente task force y mas di 125 profesional kendenan a repasa rapport- y estudionan existente revalidando esakinan cu un serie di consulta cu stakeholdernan. Asina por menciona cu mas di 80% di e contestanan ta indica kico tur lo mester wordo haci como e yabi pa construi un base fuerte pa cu e recuperacion di nos economia como uno sostenibel y resiliente.
Encuesta a papia cla:
E encuesta Building Strong Foundations for Economic Recovery & Resilience Community a ilustra hopi cla cu 80% ta pensa cu entre otro Bon Gobernacion-Tumamento di decision corecto- carga responsabilidad, Integridad, Rendimento di cuenta, Etica y Confiansa ta forma e base pa construi un economia solido y resiliente.
E plan Reposicionando e rumbo di nos Pais ta un planificacion basa riba 3 aña. A tene cuenta cu tur e aspectonan aki den dicho plan. Alabes a alinea e acuerdonan firma den Landspakket cu lo forma parti di e reformanan aki. Den MEP su programa di gobernacion 2021-2025 lo tene cuenta cu 5 proyecto di aceleracion pa duna estimulo y contenido na henter e plan. Tanto reforma y modernisacion di leynan laboral, eliminacion di Red Tape percurando pa eficiencia den procesonan, reforma sistematicamente di belasting, E- Government y lo introduci un plataforma confiabel pa comparti data y lo fortalece capacidad legislativo.
Parlamentario Endy Croes ta termina splicando cu tin hopi trabou dilanti den e fase pa cu recuperacion di nos economia y recuperacion di pais Aruba. Man na obra!