Parlamentario Endy Croes futuro Minister di Enseñansa y Deporte tabata di bishita na Club RCA pa un actividad dedica na Rafael “Rafa” Vanegas un astro hungador di RCA.
Rafa Vanegas a yega Aruba na edad di 17 aña y a milita den hoofdklasse den e ekipo tricolor RCA pa masha hopi aña. Un tremendo deportista cu multiple titulo. Na 1986 Rafa ta titula campeon cu RCA y ta bira topscorer di campeonato cu 19 goal. Na 1987 Rafa ta titula campeon atrobe anotando 17 goal den campeonato. Na e ta ripiti como topscorer di AVB cu 22 goal. Asina Rafa Vanegas tin masha hopi titulo den su trayectorio manera e mes a bisa RCA pa bida militando 17 aña den hoofdklasse.
Rafael Vanegas a hunga varios wega internacional. Na edad mas grandi a pasa coach diferente division di mini baby te mas grandi y tin multiple titulo como coach tambe. Un ehempel di un deportista cu a dedica su bida na deporte di futbol y a duna bek tur su tempo pa siña nos muchanan hunga bala.
Rafael Vanegas e siman aki lo sali pa Hulanda y lo bay biba na tera friu. Enconexion cu esaki a organisa algun bunita actividad gradiciendo Rafael Vanegas pa tur su dedicacion y aporte na RCA. Parlamentario Endy Croes a pasa saluda diasabra ultimo y a gradici Rafael Vanegas inmenso y a desea Rafa tur exito den su retonan nobo aya na Hulanda. Danki Rafa pa dedica asina hopi na deporte na Aruba y hopi exito den bida.