Parlamentario Endy Croes a splika cu cuantanan annual di pais Aruba a confirma e “missmanagement” di partido AVP pa cu pais Aruba.
/// Gastonan di personal a aumenta cu Afl.80 miyon:
Parlamentario Croes a continua aclareando e maneho di Mike Eman y AVP alrepsecto personal. Cifrasnan extra oficial den cuentanan annual ta ilustra cu na 2009 momento AVP a drenta gobernacion gastonan na personal tabata Afl.392.8 miyon pa aña. Momento cu AVP a bandona gobierno na november 2017 e gastonan aki a alkansa Afl. 474.1 miyon pa aña. Cuentanan annual ta comproba y confirma cu Mike Eman y AVP a aumenta costo di personal cu Afl. 81.3 miyon cual ta igual na Afl. 10.2 miyon pa aña.
/// Rapport Raad van Advies, Algemene Rekenkamer ambos a splika esaki:
Den rapport di Raad van Advies di 9 di Januari 2020 # RvA 04-20 riba pagina 15 y alaves den Rapport di Algemene Rekenkamer pagina 15 te cu 17 a splica esaki den detayes. Con Mike Eman y AVP por splica esaki? Mientras Hulanda ta pidi pa baha gastonan di personal AVP tabata fiesta cu placa di pueblo. Esakinan sinembargo ta solamente un bista di gastonan di personal.
/// Fiesta di Mike Eman y AVP no a caba akinan:
Ta keda prohibi pa lubida e fiesta cu AVP a haci cu placa di pueblo. Mike y AVP a presta 2000 miyon florin den 8 aña. Mike y AVP a otorga 1000 miyon na proyecto den Bo Aruba ( Rapport Algemene Rekenkamer) sin documentacion pa back up unda e placa aki a bay. Mike y AVP a mara Aruba na 82.4 miyon pa 20 aña largo pa paga pa proyectonan PPP( Pa Pueblo Paga), Mike y AVP a regala amigonan Teragroup 7 miyon, Horizon di Richard Arends 4 miyon y amigo di cas Sjiemfat 5.3 miyon na “trabounan” pa gobierno sin conta RDA y Utuilities. Aruba a paga na 2019 232 miyon solamente na interes riba placanan presta pa Mike y EVP. Mike a expresa cu e ta orguyoso di e debe y e debe t’ey pa nos tur bay page den futuro. Benny Avestruz Sevinger ta sali grita den sala di Parlamento I don’t give a dahm! Esaki ta e gobierno cu Aruba tabata tin mester? Nunka pero nunka mas AVP merese un voto dio confiansa pasobra simplemente nan no ta di confia y a desgracia finansas publico di pais Aruba.