Parlamentario Edgard Vrolijk ta spera cu esaki ta ultimo biaha ta haci algo asina na un scol

Parlamentario Sr Edgard Vrolijk cu ta un ex docente di Cacique Macuarima School a presenta dialunan mainta hunto cu su coleganan Parlamentario, Sr Rocco, Endy, Hendrick y Shailiny a cana mira e situacion di e scol y ta uno lamentabel.

Parlamentarionan di MEP a bishita Cacique Macuarima

Parlamentarionan di MEP a bishita Cacique Macuarima

Posted by MasNoticia.com on Monday, January 13, 2020

Sr Vrolijk a bisa nos a habri aña 2020 pa educacion haya atecion y ora bo mira tipo di accionnan aki di vandalismo pero esaki ta mas cu vandalismo ora bo wak cu con ta kima un scol causando daño na estudionan di mucha, edificio y tambe e aspecto emocional di maestro y ainda muchanan ta yega na e scol y ta cay na joramento pasobra nan ta stima nan scol un mundo y bo ta haya tur sorto di yamada hende na yoramento pasobra a mira con duro a traha pa e scol aki.

Parlamentario Vrolijk a bisa mi mes tin 18 aña a traha na e scol aki y a stage 3 aña casi 21 aña na Cacique Macuarima y esaki ta algo di sentimento emocional. E scol ta den bon aspecto nos mes a percura pa verf esaki, a percura pa e fondo necesario pa coriente y airco y haci e scol aki e prome scol piloto pa inovacion y den 2020 a perde un hala completo. Muchanan cu ta den e klas probablemente mayornan mester bay cu nan otro scol mientrastanto cu lo drecha e lokaalnan cu a keda afecta y unabes bo custuma cu un klas, docente y e scol e ta hopi diferente pa bay otro caminda y e bario aki ta uno hopi uni y e bario completo ta lamenta e sucedido.

Parlamentario Vrolijk a bisa spera cu esaki ta ultimo tambe pasobra bo ta perhudicando un scol y si bo kier perhudica un hende mi ta kere prome caminda bay bo cas y kima bo mes un cas y no mishi cos di otro hende y pio un scol. Nos di parlamento sigur lo exigi tambe pa e scol aki pasobra hopi a wordo pidi na Minister di Enseñansa cu Minister di husticia pa pone atencion pa loke ta seguridad na scolnan y bo ta wak awendia no a haci mucho na esaki y esaki a ser neglisha y awendia bo ta wak kico ta pasando y esaki ta un les, unda kier spaar algun florin aki aya, pero riba seguridad na scol y nos muchanan mester bira un prioridad pa 2020 y ta spera por haci lihe cu e proceso aki.

Lo bay aserca den Parlamento si mester yuda Cacique Macuarima pero semper Cacique Macuarima a draai riba su propio forsa y esei semper ta haci nos hopi orguyoso y tristo pa loke a pasa awe, y Macuarima ta un scol cu nunca ta warda cosnan cay for di shelo, debi cu nan mes ta haci nan fundraising y otro activiadad y tanto comunidad y comercio sa esaki y mi ta kere nos lo aserca comercio pa yuda caba e proyecto aki mas lihe posibel.

Comments

comments