Parlamentario Edgard Vrolijk (MEP): Quanten LLC escogi door di RDA pa rehabita nos refineria

Durante un encuentro publico Prome Minister sra. mr. Evelyn Wever Croes a splica Parlamento cu e “advisory committee” a duna gobierno conseho pa sigui cu dos compania Mericano. E dos companianan ta Quanten LLC pa loke ta operador di refineria y Eagle LNG pa loke ta un proyecto di LNG cu lo suplementa entre otro operacionnan di refineria.

Comision di conseho
Un comicion di conseho cu tabata consisti di ingenieronan renombra den e mundo di rafinahe y esakinan a conseha Gobierno pa sigui cu e dos companianan aki. Quanten LLC ta un di e companianan cu ta forma parti di e consorcio cu ta propone pa rehabilita e refineria y tin proyecta pa inverti 3,5 biyon dollar. Banda di esaki tin companianan renombra den e mundo financiero cu tambe ta forma parti di e consorcio. Nan tin experiencia pa financia tipo di proyectonan aki. Mirando e hecho cu e companianan Mericano aki ta renombra, tin e capital necesario pa por ehecuta e proyectonan aki, a conseha Gobierno pa sigui cu Fase 2 aworaki.

Consul Mericano ta sostene e companianan aki
Hopi importante pa señala cu recientemente consul Mericano sr Christian Olsen ainda a garantisa cu e companianan Mericano tin e capital necesario y cu Gobierno di Merca mes a screen nan. E proceso aki yama “Proces of advocacy” y ta encera tambe screening (vetting). Y esaki ta e motibo cu e consul Mericano sr. Christian Olsen a garantisa cu e companianan aki tin e capital pa por ehecuta e dos proyectonan aki.

Inversion
Quanten LLC lo inverti 3.5 biyon dollar den un transcurso di 3 aña, y e otro compania ta Eagle LNG cu lo inverti 185 miyon dollar den un transcurso di 2 aña pa locual ta e proyecto di gas. E proyeccionnan ta mustra cu lo crea un total di 2100 cupo di trabou unda cu e refineria lo ofrece 2000 cupo y e compania di gas lo genera 100 cupo. E impacto economico na 2021 lo ta un crecemento di 9.3% di nos GDP, na 2022 20% y 2023 10.8%.

Conclusion
E proceso encamina tabata uno completamente transparente caminda un comicion independiente a conseha Gobierno. Un proceso diferente cu esun cu AVP a encamina tempo di Citgo. Te hasta Gobierno di Merca a duna su “stamp of approval” pa e dos companianan Mericano aki. Y sigur esaki lo tin un impacto positivo pa Aruba y nos ta spera cu e fase di negosacion termina pronto, pa asina na 2021 por cuminsa cu ehecucion di e proyectonan aki.

Comments

comments