Parlamentario Edgard Vrolijk: “AVP tin Aruba su cara na berguensa”

“Un biaha mas siman ta habri y Aruba su cara ta na berguensa ora ta haci dos detencion banda di e tresnan di siman pasa den caso Avestruz unda ex Minister Benny Sevinger y actual parlamentario pa fraccion di AVP ta e sospechoso principal den e caso di corupcion aki. Y unda a duna e bon amigonan di ex-Minister President di Aruba sr Mike Eman terenonan pa haci nan miyonario. Aruba di berdad a yega ora di libra nan mes di AVP pasobra mi no por kere cu tin hende den e pais aki y cu ta stima nan pais ta desea pa nan pais ser destrui door di Mike Eman pa motibo di corupcion.” Esaki ta loke parlamentario Edgard Vrolijk a bisa.

AVP su liderazgo ta carece di integridad

Na momento cu lider  di AVP sr Mike Eman tin denuncia riba dje pa motibo di a tuma placa di sr Roberto Rincon ($50.000), kico por spera di e otronan? E liderazgo di Mike Eman tabata esun di mas malo den historia di Aruba unda corupcion y ladronicia di patrimonio di pueblo a biranorma. Baoliderasgo di sr Mike Eman nos a conoce caso IBIS unda ex Minister Paul Croes ta ser condena. A conoce caso Avestruz unda awe un parlamentario pa fraccion di AVP sr Benny Sevinger ta sospechoso principal y ainda falta caso Flamingo cu ta un verlengstuk di caso Avestruz  y tambe falta ainda caso Pauwis cu ta di Sr Mike Eman mes. Pues un partido cu no conoce integridad y ta ser califica como e Universidad di Corupcion.

Candidatonan nobo ta acepta e norma di corupcion den AVP?

Ora bo a kere cu lo tin un candidato nobo of otro candidato cu ya ta riba e lista cu lo durf di bin dilanti y distancia nan mes di e practica di partido AVP y specialmente bo a spera di coleganan den Parlamento di fraccion di AVP lo a exigi retiro di Benny Sevinger, lamentablemente tur a opta pa keda keto y bati man. Tambe durante Benny Sevinger su rueda di prensa. E ta un berguensa pa hobennan cu ta drenta politica aceptando e norma di corupcion ta crea un mancha scur riba futuro di pais Aruba y sigur e ta un mancha scur riba e fundacion di formacion politico di AVP cu ta produciendo bon alumnonan cu ta para pa e norma di corupcion y como ehempel awo ta e profesor mes di e Universidad di Corupcion a dicidi di bira candidato.

“E ta un berguensa pa pueblo di Aruba cu tur siman AVP y Mike Eman ta pone Aruba su cara na berguensa. E eleccion aki pueblo tin e opcion di sigui sostene maldad y corupcion of pueblo ta scoge un gobernacion cu ta para pa integridad y e ora unico alternativa ta vota MEP pa nos caba cu e mal practica aki cu a haci hopi daño na Aruba.”

 

 

 

 

Comments

comments