TEXAS, Merca – Con hombernan lo sinti si leynan ta restringi nan di e derecho riba procreaccio y control di su sexualidad? Esey ta parce e idea tras di un iniciativa di Jessica Farrar, un congresista democrata di Texas.
Farrar tabata tin e inusual iniciativa pa protesta contra e leynan cu ta limita e acceso di muhenan na aborto y planificacion familiar: el a propone un legislacion pa multa cu 100 dollar na e hombernan cada biaha cu nan masturba.
E propuesta di ley satirico 4260, presenta na Congreso Tejano, ta stipula cu cada homber ta enfrenta un penalidad pa cada emision di semen pafo di un vagina of centro medico, loke ta wordo considera un gastamento di tempo ya cu e no ta destina na crea un embaraso.
Masturbacion lo a wordo considera “un acto contra un mucha cu derecho di nace pa no preserva e santidad di bida,” segun e legislacion. E placa lo beneficia muchanan na cargo di e Departamento di Servicionan Familiar y Proteccion.
Ademas, Farrar lo obliga tur homber cu solicita un vasectomia of un receta di Viagra na somete na un “examen digital di rectum, inecesario desde e punto di bida medico.”
Esaki ta e ultimo iniciativa ta responde na e medida pa cual un muhe cu solicita un aborto na Texas, mester haci un echo vaginal, cu “no tin nada di haber cu su salud.”
E parlamentario democrata a bisa na e corant Houston Chronicle pa su propuesta satirica busca na yama e atencion riba e escrutinio extremo cu muhenan ta sinti riba nan decisionnan di e ciudado di salud y planificacion familiar.
“Hopi hende ta haya e ley pret,” Farrar a comenta den un entrevista telefonico. “Loke no ta pret ta e obstaculonan cu muhenan di Texas ta enfrenta tur dia, poni eynan door di ley, loke ta haci hopi dificil accede na e atencion di salud.”
Farrar ta cumpliendo su mandato number 11 como representante estatal pa Districto 148. Traha vooral riba asuntonan cu ta inclui e slaud di e muhe, agresion sexual, derechonan reproductivo, discriminacion, husticia hubenil y violencia domestica.
Siman pasa a pronuncia contra e proyecto di ley cu ta rekeri pa hospitalnan dera of crema e restonan fetal. “Ley di e restonan fetal ta impone creencianan moral patrocina pa e estado den hende muhe, afectando su capacidad di tuma decisionnan perosnal cu su dokter,” el a skirbi den un tweet.
Di momento, su ley satirico ta acaparando hopi atencion y a genera un debate riba e dobbel standardnan cu e salud reproductivo di homber y muhe ta maneha.
Fuente: Yahoo Noticias