Den un articulo publica den corant Amigoe Aruba tocante tema di Vaccinatiepaspoort, ta describi con Aruba ta e prome gobierno cu lo participa den esaki na unda lo exigi un Vaccinatiepaspoort-app na aeropuerto.
Minister di Salud a anuncia cu Aruba lo ta e prome gobierno pa join Common Trust Network, un organisacion cu ta trahando actualmente riba un app cu un standard global pa informacion medico y data di vacunacion, cual lo mester por wordo accepta pa tur pais mientras garantisando privasidad di data personal. A menciona cu e app aki pa vacunacion lo bira un obligacion ora cu bo yega Aruba na 2021, pero e fecha exacto cu esaki lo tuma luga no ta conoci ainda. Parlamentario Lejuez ta haci un peticion si minister por brinda un splicacion por escrito pa defini si tur e informacion menciona ta klop.
Na Hulanda den Tweede Kamer a cuminsa hiba debate over di e vacuna y test obligatorio contra COVID19 pa viaheronan di paisnan di riesgo, particularmente mirando e caso [kort geding] cu e grupo Viruswaarheid a gana contra e medida aki. “Mientrastanto na Aruba no a hiba un debate publico riba e tema aki y decisionnan ta keda wordo tuma unilateralmente pa e crisisteam y MinPres cu a keda institui como ‘opperbevelhebber’ pa e ley di calamidad”, e parlamentario a publica riba su pagina di Facebook.
E ta sigui na bisa cu riab su mes e trabao y esfuersonan te cu awor a resulta positivo y di aplaudi, mirando con incansabel ta trahando na purba di cobati e virus y su efectonan. Sinembargo e discusion cu awor mester wordo hiba ta si por keda uza e ley di Calamidad pa un tempo indefini unda ta tuma decisionnan sin debate of intervencion di Parlamento ora ta implementa cierto tipo di decision of maneho cu por afecta e estado di derecho di comunidad y ciudadanonan.
Akinan por lesa e preguntanan manda por medio di Parlamentario Daphne Lejuez na gobierno: