A puntra Parlamentario Chris Dammers si ta sali na cla cu e fondo di Parlamento ta resta placa di 2016 cu a pone cu ex presidente di Parlamento Marisol Lopez-Tromp cuminsa cu un discusion cu a caba te na denuncia.
Riba esaki e parlamentario a contesta cu riba e suceso mes, te ainda e ta di lamenta. El a pasa asina. E diferente discusionnan, e carta cu a wordo entrega tanto na Parlamento como Gobernador, e motibo pakico e lo ta trek su mes terug di partido, e sumanan cu a keda 211 mil florin cu a resta ainda di e begrotting, cu ta prome biaha den historia di Staten cu Placa ta resta por mira cu ningun rato so e ponencia cu el a trece dilanti ey, no ta berdad, esta cu Dammers lo a jub placa.
Dammers a splica cu durante e discusionnan y sigur por mira y tur hende a bisa, cu ta simplemente tabata buscando un escusa, tabata buscando un momento. E esfera den e ultimo tempo den e fraccion no tabata di gaba y tur hende hopi duidelijk tabata bisa y tabata wardando e momento ki ora e ta bay trek terug. El a busca un motibo, el a busca un escusa cu pa dos aña di tilda su mesun persona di ta gastando placa. E ta uzando un reserve psychology bek riba Dammers y por mira awe cu e aprobacion di e amienda aki, di e ahustacion di begrotting di staten, nunca tabata e caso. Tabata simplemente buscando escusa pa bula afo.
Dammer a agrega cu semper e tabata cuestiona e parti di dienstreizen na e manera cu e tabata maneha esaki,e manera cu locual el a bisa, uzando un reverse psychology riba Dammers, pero por lo general, no tabata tin nada.