Richard Frank di WEB Aruba NV ta splica riba e groundbreaking cu a tuma luga di Sunrise Solar Park, cu lo bay bin riba tereno di refineria entre WEB Aruba NV y Isotron.
Frank a splica cu ta trata di un dia special pa tanto WEB como pa Aruba. A bin for di un caminda largo, canando poco poco den transforma parti mas di e produccion di energia na energianan sostenibel. Awor aki, basa riba biento cu solo.
Ta un trayectoria cu no tabata facil, pero ta logrando poco poco, pero sigur, segun Frank.
Locual cu ta e parke Solar, Frank a splica cu e ta yuda reduci e uitstoot di dioxido di Carbono. E ta yuda baha consumo di fuel oil tiki mas y no mester lubida cu na 2016, tabata tin uzo di fuel oil di mas of menos 5200 pa 5400 bari pa dia y awo ta core den 3000 bari pa dia.
Poco poco ta bahando sigur. Tin desde 2016 pa awor aki, practicamente 11 aña cambiando y cu bon logro. Di 5000 y pico bari pa 3000 y pico bari, sigur ta algo pa ta orguyoso di dje.
E prijs ta algo cu sigur sigur WEB Aruba NV ta haci lo maximo pa mantene e prijs stabil y tambe manera e ocasion ta duna, yuda reduci e prijs tambe di awa y di coriente. Si e parti di energia renobabel ta yuda baha e prijs, si dependiendo di e prijs cu haya pa energia renobabel den dje.
E parke Solar tin ocho luna di transicion. Awor aki nos ta na Juni. Ta calcula cu pa Februari/Maart 2018 e lo bay bin. E efecto cu lo bay wak ta durante dia, mas y mas ta reduci nos consumo di heavy fuel oil a base di e produccion di e parke solar. E ta yuda un tiki mas baha e consumo di heavy fuel oil.
E parke Solar aki ta bay cay inmediatamente bao di maneho di WEB Aruba NV. Isotron ta e contratista principal. Nan ta pone tecnologia riba pia. Nan ta traha e parke. Pero e operacion y maneho ta keda bao di WEB Aruba NV.