Parke Nacional Arikok conhuntamente cu tur autoridad cu ta enfoca nan atencion ariba e “Oil spill” kier a gradici tur hende cu a postula nan mes te cu awor como voluntario. Como centraal, Parke Nacional Arikok ta ricibi tur yamada di voluntario y ta manda e lista aki pa DOW kende tin e tarea pa comunica cu e boluntarionan pa asina sigi cu e trabow di limpiesa na nos costa.
DOW lo notifica na unda mester presenta, kico mester tin bisti y lo entrega cierto ekipo pa traha cun’e, alavez DOW ta duna instruccion ariba e procedura di limpiesa. Na tur voluntario cu ta bezig cu e limpiesa ariba nan mes, tin cu tene na cuenta cu si esaki no wordo
hasi na e manera correcto e por tin consecuencia pa ambos, na e salud di e voluntario y na nos costanan.
Departamento di Salud Publico a publica un aviso pa proteccion personal:
• Hasi uzo di handschoen ta mandatorio. No mishi cu e clomp’i petroli cu bo mannan of pianan.
• Tira paňa y sapato cu a bin den contacto directo cu e clomp’i petroli afo via DOW.
• Si e clomp’i petroli a bin den contacto cu bo cuero toch, spuit prome cu WD40 pa despues laba esaki bon cu awa y habon.
• Si e clomp’i petroli causa rash riba cuero of un alerEerste Hulp na hospital of ImSan.
Pa e cuido di cualkier bestia cu por ta afecta dor di e petroli nos ta urgi na tur voluntario pa yama Parke Nacional Arikok inmediatamente! Parke Nacional Arikok tin un team cu lo mobilisa nan mes na e area y asina sigi e protocol cu a wordo crea pa e cuido y salud di e bestianan.
Si e voluntario mes bay o ver na duna asistencia na e bestia e ta expone su mes na hopi riesgo ya cu e petroli por ta mas toxico cu esun cu ta den lama. Pa cuido y salud di e bestianan y di kada voluntario nos ta pidi pa tuma contacto cu Parke Nacional Arikok na 585 1234 y nos lo ehecuta e protocol, pa scapa e bestia su bida.
Si bo persona ta desea di ta un boluntario of conoce un persona interesa, Por fabor tuma contact cu nos inmediatamente na Parke Nacional Arikok na 585 1234. Nos oficina ta tuma yamada di 8 or di mainta te cu 5 or di atardi. Despues di e orario akinan por manda nos un mensahe ariba Facebook: Arikok National Park.