Recientemente Fundacion Parke Nacional Arikok (FPNA) a inicia e construccion di un booth nobo pa e entrada di San Fuego. Cu e realisacion di e booth nobo akinan FPNA ta sigi optimalisa e servicio na nos bishitantenan local, internacional y nos tour operator nan. Adicionalmente, e booth nobo lo ta ekipa cu systema nan moderno di vigilancia cual lo duna un ayudo inmenso na autoridadnan local na momento cu presenta un caso di emergencia.
FPNA tin tres punto oficial na unda cu un bishitante por contribui cu e tarifa di conservacion asina tambe oficialisando nan entrada na FPNA. E puntonan di entrada menciona ta San Fuego, Shete y Vaderpiet. E renovacion di e booth di San Fuego ta na turno prome cu un duracion di approximadamente 2 luna. E seguridad di nos rangers y empleadonan ta y lo keda un prioridad.
FPNA a aserca authoridadnan local pa asina por ricibi algun training adicional ariba e tereno di seguridad ya asina tur autoridad di Parke tambe ta prepara den un caso di emergencia. E boothnan nobo lo asgura un servicio optimalisa unda cu nos rangers nan por sigi brinda nos bishitantenan cu tur informacion cu nan lo mester durante nan bishita. E sigiente fase pa e booth nobo lo ta pa agrega e reglanan di Parke cual ta vigor na momento cu bo ta den Parke.
Den e proceso di construccion, FPNA ta pidi cooperacion di nos bishitantenan na momento di aserca e area di booth pa hasi esaki cu cautela pa asina garantisa e seguridad di nos trahadornan di mantencion y di e bishitante.
FPNA su orario di operacion ta keda mesun cos di 8:00 AM te cu 4:00 PM tur dia. Si tin cualkier pregunta por tuma contacto cu nos libremente na [email protected] of por manda nos un mensahe riba nos pagina di Facebook – Arikok National Park.