Parke nacional Arikok a traha hunto den e team di crisis management, a haya tur nan instruccionnan di tur e participantenan y tur tin nan specialidad. Un di nan ta pa yega na un claim con e daño cu a wordo sufri na parke, no solamente pa pone hende traha pa haci limpi y e business cu nan a perde door di a cera varios caminda, segun Greg Peterson. Tur touroperator na Aruba a perde placa door di e cos aki, tambe por entrega nan claim. Tin cu haci’e a base di e cantidad di negoshi cu nan tabata tin aña pasa e mesun tempo cu awo y e diferencia, nan tin cu pone bon cla y indica esaki. E ora ey, Aruba, den su totalidad, lo trece tur e claimnan aki pa haya un refund di esaki. E ta bay tuma su tempo pero ta bay haci’e si.
Peterson ta sigui splica cu Parke ta un actor chikito den henter e wega aki. E Touroperatornan tambe ta individual. Ta pais Aruba lo bay haci e claim aki, via nan expertonan. Esey lo ta un claim internacional, riba Trinidad den e caso aki.
Awor aki parke tin planea pa monitor e situacion aki pa algun luna mas. Aunke sano huicio ta e miho amigo den e casonan aki. Si mira algo cu no ta bon, papia cu park rangernan, yama Rampenbureau y preveni pa bay para den dje of hunga cu algo. Informacion ta cu e cantidad a baha masha hopi mes, kiermen e ta bon pa gewoon djis bishita parke, bay bo beach, bay bo lama. Pero un biaha mas, sano huicio ta bisa pa keda alerta y disfruta di e parke.
Pa cualkier cos por yama 5851234. Parke a haya hopi ayudo di Gobierno den e situacion hopi fastioso cu nan tabata tin y nan tambe tin tiki payback di un forma cu nan ta yuda cu e parti di boluntarionan, cu ta duna e organisacionnan manera DOW un tiki un breach cu nan tambe por jump in y yuda cu algo. Ora cu Parke bati na porta di boluntarionan, nan ta haya hopi ayudo y ta mustrando un bon parti pa nos pais Aruba.
E cos aki a desaroya su mes bastante den e ultimo simannan. Ta conseha pa ora cu yama e number ya indica, pa nan puntra eynan precies kico nan tin cu trece cu nan, Peterson a splica.