Dialuna 29 di Mei 2017, Corte den Prome Instancia a trata e caso cu Fundacion Salba Urirama a entama contra pais Aruba pa e.o. revoca e permiso di molester (hinderwetvergunning) relaciona cu e parke di molina Urirama.
Na 2015 Hues Witfield a duna Fundacion Salba Urirama rason unda cu el a bisa cu Minister di Husticia cu e procedura legal no ta wordo haci pa cu e vergunning, otro cu WIndpark Urirama. Na su turno, Minister di Husticia a trek in esaki pa despues di un paar di luna bolbe otorganan como un wijziging naar een bestaande vergunning. Segun Sr. Henriquez, no tin un bestaande vergunning mas, con bo ta bai hasi un wijziging na algo cu no ta existi?
No solamente esey, Sr. Henriquez a sigui bisa. Dialuna den corte Sr. Henriquez a hiba palabra, unda cu el a illustra bon cla con gobierno a hiba su maneho trapando riba nos estado di derecho pa impone e aparatonan aki toch riba un communidad y asina perhudicando e levenssfeer si noa conciudadanonan. Es mas, e gobierno anterior cu tabata MEP a hasi mescos sin hasi e debido estudionan prome. A impone e cosnan aki pa sirbi nan interes politico paso e interes di e communidad y e pais e no a sirbi. Fundacion Salba Urirama tin grabacion di un entrevista cu un bisiña kende a experencia e mesun efectonan cu e experto cu Fundacion Salba Urirama a traha cun’e, Prof. Møller, a describi den su estudio. E estudio di Prof. Møller ta nieuwe kennis y den raad na Maastricht ela wordo reconosi pa su investigacion. Es mas ela wordo contrata door di e gemeente di Maastricht y di cual investigacion a wordo usa pa GGD su rapport tambe.
Esmas, segun Sr. Henriquez, e mesun expertonan di Windpark Urirama NV a reconoce cu tin un obstaculo pa e ser humano y ta bisa tambe cu lo tin mester di mas estudio. esakinan ta precisamente e puntonan di Fundacion Salba Urirama. Pero ningun estudio a wordo haci aki na Aruba. E bestuursorgaan no a bin cu nada nobo desde 2013 cu nan ta bringando e caso. Si nan lesa e productienan nan lo haña sa hopi di e cifranan cu ta prueba nos ponencia. Pero notable tabata cu nan no a lesa nan mesun productienan pa realisa cu nan productie ta duna nos rason.
Sr. Holmo Henriquez ta enfatisa, cu no por adapta norma nan di otro pais of Hulanda paso e condicion nan ta diferente. Na Hulanda mes e normering ta diferente na Maastricht compara cu Amsterdam. Dus aki cu e windkracht ta mas duro e area afecta ta bira mas grandi segun Prof. Møller. Un biaha mas Sr. Henriquez ta reitera su ponencia di sigui bringa e caso aki te na final, pa motibo cu e ta un proyecto cu no ta sirbi e algemene belang di e pueblo di Aruba.
Abogado pa Affected Residences tabata Sra. mr. Miriam Malmberg .
Hues lo dicta sentencia dia 21 di Augustus proximo.