Sr. Greg Peterson di Parke Arikok ta splica dicon ta cobando den Spaans Lagoen durante un entrevista cu su persona.
Spaans Lagoen ta un area hopi importante pa Aruba su naturalesa, un asina yama Wetland Area. Algun aña pasa a keda dicidi cu Green Corridor lo pasa den direccion di Spaans Lagoen y cu lo traha un brug nobo pa eigenlijk overbrug Spaans Lagoen pa e trafico por sigui su caminda. Den e proceso ey, mester a corta e mangrovenan pa nan por a leg aan e brug. Na 2015, gobierno a huur in compania di Universiteit Wageningen, Altera, y nan a haci un analisis di e impacto di e kitamento di e mangrovenan rond di e brug. Nan a bin cu’n solucion cu ta encera e compania cu ta leg aan e brug, lo haci un recompensa bek na nos naturalesa door di bay traha algun canal na otro banda di Spaans Lagoen y cu esey pone mangrovenan bek. Ta papia aki di un largura di 150 m cu tin dos banda. E ta un sorto di canal, cu ta tiki slopend unda ta pone e matanan, cu ta core S cu ta haci’e poco mas bunita enbes di tira un liña straight.
Loke nan ta bezig cun’e actualmente, ta pa drecha loke nan a haci cu e brug, nan ta pone caminda cu tin un luga cu full cu e slip, cu no ta draag bij mas na e proceso. Door di esaki ta haci’e un uitbreiding di Spaans Lagoen. E brug tabata den e Green Corridor, tabata tin su impacto den naturalesa y esaki tabata den un caminda hopi sensitivo cu ta e Spaans Lagoen. Lo no bin mas cambio pa loke ta proyectonan di infrastructura den Spaans Lagoen.
Segun Sr. Peterson, e impacto a wordo causa ora nan a kita tanto vierkante meter pa nan a pone e brug. Y den e sistema di anda cu naturalesa den e dianan aki, bo ta haci e recompensa di e otro banda. Dus bo por haya toch un pida di e economia y na mes momento ta haci conservacion di e naturalesa. E impacto di e brug tey caba y pesey mester a tuma accion den Spaans Lagoen. Loke ta haci ta cu añadi bek na un otro caminda, pero e balor total ta keda, segun Sr. Greg Peterson, di Parke Arikok.