Ta bay ta di tres aña cu Fundacion Parke Arikok lo bay tene e competencia di fotografia pa e comunidad por captura e bunitesa di naturalesa, dia 8 di juni a cuminsa cu e competencia y e final lo ta 31 di october 2022. Ta encurasha tur hende pa bay den naturalesa y bay saca potret. E tema specifico ta Aruba su Flornan nativo. Manera nos sa tin caminda ta seco, pero un yobida ta duna e flornan aki bida bek y ta bira net un momento cu e persona cu kier participa por saca potret. E competencia aki ta den cuatro categoria. Ta cuminsa for di 6 pa 12 aña, tin categoria pa hoben 13 pa 18 aña, categoria pa adulto 18 aña bay ariba y tin un pa adulto profesional. Ta e categorianan cu tin pa tur hende por participa. Tin e matanan di lechi, kibrahacha, tuna. Ta pidi pa ningun hende haci daño na naturalesa, den parke mes tin varios caminda cu tin matanan berde debi cu awa a yobe ultimo tempo. Ultimo aña tin miembronan di hurado ta selecciona e potretnan ganado y hunto cu post Aruba ta haci e potretnan aki bira un postzegel y asina ta cuminsa cu un expo cu ta travel rond di e isla.