Internacional: Meimei di e celebracion di e Weganan Olimpico di Paris 2024, e ‘Ciudad di Lus’ a sufri un interupcion di coriente alrededor di 11 or di anochi ora local di Paris, un blackout a sosode den varios area di Paris.
Videonan di Paris den scuridad cu iluminacion solamente na algun di e luganan mas emblematico di e ciudad caminda ta tene e Weganan Olimpico a cuminsa circula atraves di rednan social.
E blackout lo a dura mas o menos un ora y servicio di coriente finalmente a keda restaura. Sinembargo, e interupcion repentino aki di coriente ta crea incertidumbre tocante kico por pasa den e proximo dos simannan den cua e competencianan ta wordo teni.
E interupcion di coriente na Francia ta sosode apenas algun dia despues cu un interupcion di sistema, algun ora prome cu inicio di e ceremonia di apertura Olimpico, a afecta e red di trein di velocidad halto di Francia.
