PARIS, Francia – Autoridadnan di Paris lo instala rond di Toren di Eiffel un perimetro di panelnan di cristal di 2.5 meter di halto y cu material antibala pa reforsa e siguridad di e emblematico monumento, un di esunnan mas vigila di Francia.
E monumento ya a dispone di un muraya provisional desde e Eurocopa di futbol di 2012, pero ei ntencino awo ta pa convirti’e den und efinitivo y mehora e estetica. E presidente di e Sociedad di Explotacion di e Toren di Eiffel, Bernard Gaudillere, a revela e plannan aki den un reunion cu e Ayuntamento, segun Le Parisien.
E proyecto ta planea e instalacion di un muraya antibala cu lo ta 2.5 meter di halto y lo costa rond di 20 miyon di euro. Autoridadnan ta premira tambe lo reorganisa full un circulacion di e zona, di tal forma cu por reforsa e perimetro di siguridad den colaboracion cu polis.
E consehal Jean-Francois Martins a defini e iniciativa den areanan di “siguridad”, pero tambe a insisti cu e proyecto cu ta riba mesa “lo permiti reestablece e vinculo entre e plaza di e monumento y e jardinnan”.
E Torren di Eiffel ta ricibi tur aña mas of menos shete miyon di turista, cual e ta wordo considera como un luga sensibel. Francia ta bao di estado di emergencia desde e cadena di atentado cu a sacudi Paris dia 13 di November di 2015 y caminda cu 130 persona a perde nan bida.
Fuente: Entre Todos (http://www.entretodos.com.mx)