Recientemente Bruce & Mary Ann Little a wordo honra como huespednan distingui pa e isla di Aruba y tambe John & Cheryl Dinihanian a wordo honra como embahador di bon boluntad pa Aruba, e huesped aki ta hopi special mes cu ta bishitando nos isla pa mas di 20 aña caba consecutivamente.
E titulo simbolico aki ta wordo presenta den nomber di Minister di Turismo como un muestra di aprecio pa e bishitantenan cu ta regresa Aruba.
Sr. Ricardo Croes di ATA a hasi entrega di e certificado aki durante un ceremonia oficial na Marriott Surf Club.
Bruce ta comenta cu nan no lo cambia Aruba nunca pa un otro isla, door di su beachnan blanco bunita y su hendenan amabel.
Riba e potretnan por aprecia Sr. Ricardo Croes di ATA hunto cu e honradonan y tambe Jenny Boekhoudt di Marriott Surf Club.