Net ne subida di Lago heights na San Nicolas diamars atardi un pareha turista riba scooter bahando di e bahada pa bay direccion pabou, algo a bay robes cu e tire a slip y nan a perde control bay dal frontal den un bus di tour.
E scooter a pega bou di e bus, e chauffeur di e bus a mira e homber bula lanta di biaha y no a mira e señora. Aki ta unda e chauffeur di e bus a drenta panico kere cu e señora a keda pega bou e bus, pero el a logra di sali pero tabata keha di dolor na pia y curpa. E homber turista tabatin sla na su pia y brasa, pero e tabata cana pero e señora no. Polisnan a presenta di biaha n’e sitio y cera caminda. Polis di trafico a tuma dato di biaha, dos unidad di ambulance a keda pidi, e prome p’e señora y a bay abou cune di biaha, e di dos ambulance a presenta pa atende cu e homber herida. Polis di trafico a keda te final y a hala e bus y e scooter foi caminda.
